హుజురాబా ఉపఎన్నిక గెలుపు తెలంగాణతోపాటు ఏపీ బీజేపీ నేతలకు బలాన్ని ఇచ్చింది. ఏపీలో జరుగుతున్న ఉపఎన్నికల్లో బీజేపీకి ఓటమి పలకరిస్తున్నా.. తెలంగాణలో పార్టీ సాధిస్తున్న ఉత్సాహాంతో ఏపీలోనూ ఆ స్థాయి ఫలితాలు వస్తాయని ఆత్మవిశ్వాసంతో ఉన్నారు. తెలంగాణలోని హుజురాబాద్, ఏపీలోని బద్వేల్ నియోజకర్గానికి జరిగిన ఉపఎన్నికలో బీజేపీ పోటీ చేసింది. అయితే, హుజురాబాద్ ఉపఎన్నికలో బీజేపీ విజయం సాధించగా.. బద్వేల్ లో మాత్రం ఓడిపోయింది.
తెలంగాణలో అధికార పార్టీ టీఆర్ఎస్‌పై బీజేపీ సాధించిన విజ‌యాన్ని ప్ర‌స్తావిస్తూ బీజేపీ ఏపీ అధ్య‌క్షుడు సోము వీర్రాజు ప‌లు వ్యాఖ్య‌లు చేశారు. హుజూరాబాద్ ఉప ఎన్నికలో ఘన విజయం సాధించిన ఈటల రాజేంద‌ర్ కి శుభాకాంక్షలు తెలిపారు. అధికారం అడ్డుపెట్టుకుని సాగించే దాడులు, ప్రలోభాలు, పంపకాలు తరహా దాడులు ప్రజా చైతన్యం ముందు దిగదుడుపేనని హుజూరాబాద్ ఉప ఎన్నిక నిరూపించిందని చెప్పారు. ఆంధ్రప్రదేశ్ ప్రజలలో కూడా త్వరలో ఇలాంటి చైతన్యాన్ని ఆశిద్దాం అని సోము వీర్రాజు పేర్కొన్నారు.
ఇది కూడా చదవండి: TRS ఎమ్మెల్యేకు తలనొప్పి.. గవ్వల రాజీనామా ఎప్పుడు?