ఉమెన్స్ ప్రీమియర్ లీగ్ (డబ్ల్యూపీఎల్) రెండో సీజన్‌లో భాగంగా ఇవ్వాల ఢిల్లీ వేదికగా జరిగిన మ్యాచ్‌లో ముంబై మహిళల జట్టు విజయం సాధించింది. ఈ మ్యాచ్‌లో టాస్ గెలిచి తొలుత బ్యాటింగ్ చేసిన ముంబై.. యూపీ ముందు 161 పరుగుల లక్ష్యాన్ని ఉంచింది. కానీ ఛేదనలో యూపీ బ్యాట్స్ మెన్ చేతులెత్తేశారు.. ఫలితంగా నిర్ణీత 20 ఓవర్లలో 9 వికెట్ల నష్టానికి 118 పరుగులకే పరిమితమైంది. దీంతో ముంబై జట్టు 42 పరుగుల తేడాతో విజయం సాధించింది.
యూపీ బ్యాటర్లలో దీప్తి శర్మ తప్ప మరెవరూ మెప్పించలేకపోయారు. దీప్తి శర్మ 36 బంతుల్లో 53 (నాటౌట్) పరుగులతో ఒంటరి పోరాటం చేసింది. మిగిలినవారు ఘోరంగా విఫలమయ్యారు. ఇక ముంబై బౌలర్లలో సైకా ఇషాక్ 3, నాట్ స్కివర్-బ్రంట్ 2 వికెట్లు తీయగా.. షబ్నిమ్ ఇస్మాయిల్, హేలీ క్రిస్టెన్ మాథ్యూస్, సజీవన్ సజన చరో వికెట్ దక్కించుకున్నారు.
ముంబై బ్యాటర్లలో నాట్ స్కివర్-బ్రంట్ (45) పరుగులు చేసి హాఫ్ సెంచరీ మిస్ చేసుకుంది. ఇక కప్టెన్ హర్మన్‌ప్రీత్ కౌర్ (33), అమేలియా కెర్ (39), సజీవన్ సజన (22) పరుగులతో రాణించడంతో ఆ జట్టు నిర్ణీత 20 ఓవర్లలో 6 వికెట్ల నష్టానికి 160 పరుగులు చేసింది. ఇక యూపీ బౌలర్లలో చమరి అథాపత్తు 2 వికెట్లు తీయగా.. రాజేశ్వరి గయాక్వాడ్ , దీప్తి శర్మ, సైమా ఠాకోర్ చరో వికెట్ దక్కించుకున్నారు.