వన్డే ప్రపంచకప్ లో న్యూజిలాండ్ అదరగొడుతుంది. ఆరంభ పోరులో ఇంగ్లండ్ ను చిత్తు చేసిన కివీస్.. హైదరాబాద్ లో ఇవ్వాల జ‌రిగిన మ్యాచ్ లో నెదర్లాండ్స్ జట్టును ఓడించింది. 323 పరుగుల భారీ టార్గెట్ తో బరిలోకి దిగిన నెదర్లాండ్స్.. 46.3 ఓవర్లలో 223 పరుగులకే ఆలౌట్ అయింది. దీంతో న్యూజిలాండ్ 99 పరుగుల తేడాతో విజయాన్ని త‌మ ఖాతాలో వేసుకుంది. దీంతో న్యూజిలాండ్ జ‌ట్టు వరుసగా రెండో విజయాలతో పాయింట్ల టేబుల్ లో అగ్రస్థానంలో నిలిచింది.
323 పరుగుల భారీ టార్గెట్ తో బరిలోకి దిగిన నెదర్లాండ్స్ బ్యాటర్లలో అకార్మాన్ (73 బంతుల్లో 69 పరుగులు; 5 ఫోర్లు) రాణించాడు. కెప్టెన్ ఎడ్వర్డ్స్ (27 బంతుల్లో 30 పరుగులు), సైబ్రాండ్ (29 పరుగులు) రాణించారు. న్యూజిలాండ్ బౌలర్లలో సాంట్నర్ ఐదు వికెట్లతో సత్తా చాటాడు. మ్యాట్ హెన్రీ మూడు వికెట్లతో దుమ్మురేపాడు. రచిన్ రవీంద్రకి ఒక వికెట్ దక్కింది.