అమెరికా నుంచి ఢిల్లీ ఎయిర్‌పోర్టుకు చేరుకున్న‌ ఆక్సిజ‌న్ కాన్స‌న్‌ట్రేట‌ర్లు

భార‌త్‌లో క‌రోనా ఉగ్ర‌రూపం దాల్చిన వేళ… సహాయం చేస్తామని ప్రకటించిన అమెరికా అన్నట్టుగానే వైద్య పరికరాలను పంపించింది. భార‌త్‌కు ఆక్సిజ‌న్ కాన్స‌న్‌ట్రేటర్స్‌ను పంపింది. ఆక్సిజ‌న్ అవ‌స‌రం ఉన్న రోగుల కోసం ఉప‌యోగించే ఈ ప‌రికరాల‌ను అమెరికా ప్ర‌భుత్వం నిన్న న్యూయార్క్‌లోని జేఎఫ్‌కే ఎయిర్ పోర్టు నుంచి ఎయిర్ ఇండియా ద్వారా ఢిల్లీకి పంపింది. ఈ రోజు ఈ ప‌రిక‌రాలు ఢిల్లీ ఎయిర్‌పోర్టుకి చేరుకున్నాయి. మొత్తం 318 ప‌రిక‌రాల‌ను భార‌త్‌కు అమెరికా పంపింది. వాటిని అవ‌స‌రం ఉన్న‌ ఆసుప‌త్రుల‌కు త‌ర‌లిస్తున్నారు.