టాలీవుడ్ స్టార్ హీరోయిన్ సమంత ‘ది ఫ్యామిలీ మ్యాన్ 2’తో డిజిటల్ ప్లాట్ ఫాంలోకి కూడా అడుగుపెట్టిన విష‌యం తెలిసిందే. 2019లో వచ్చిన ‘ది ఫ్యామిలీ మ్యాన్’కు సీక్వెల్‌గా తెరకెక్కుతున్న ఈ వెబ్ సిరీస్‌లో సమంత న‌టించడంతో అంచ‌నాలు భారీగా పెరిగాయి. అయితే ఫిబ్ర‌వ‌రిలో విడుద‌ల కావ‌ల‌సిన ఈ వెబ్ సిరీస్ ప‌లు కార‌ణాలతో వాయిదా ప‌డింది. అమెజాన్ ప్రైమ్ వేదిక‌గా మే నెలలో ఈ వెబ్ సిరీస్ ప్రేక్షకుల ముందుకు రానుంది.
ఇందులో మనోజ్ బాజ్‌పేయ్ ఎన్ఐఏ ఏజెంట్ శ్రీకాంత్ తివారీగా నటించగా.. ఆయనకు వ్యతిరేకంగా సమంత ఉగ్రవాది పాత్రలో రాజీగా క‌నిపించ‌నుంది. ఈ వెబ్ సిరీస్‌లో కొన్ని వివాద‌స్ప‌ద సీన్స్ ఉండ‌డంతో వాటిని రీ షూట్ చేశార‌ని, అందుకే రిలీజ్ కాస్త లేట్ అయింద‌ని అంటున్నారు. ఈ సిరీస్‌కు రాజ్ అండ్ డీకే దర్శకత్వం వహించారు. ఇందులో సమంత నెగిటివ్ షేడ్‌లో న‌టిస్తుంద‌ని, ఆమె ఇప్ప‌టి వ‌ర‌కు చేయ‌ని విధంగా ఈ పాత్ర ఉంటుంద‌ని స‌మాచారం.