Allocations – శాఖలు.. కేటాయింపులు-మధ్యంతర బడ్జెట్ లో ఇలా..​

కేంద్ర ఆర్థిక శాఖ మంత్రి నిర్మలా సీతారామన్‌ గురువారం పార్లమెంట్‌లో మధ్యంతర బడ్జెట్‌ను ప్రవేశపెట్టారు. ప్రధాని నరేంద్ర మోదీ నేతృత్వంలోని ప్రభుత్వానికి ఇదే చివరి బడ్జెట్‌. కేంద్ర బడ్జెట్‌లో వివిధ శాఖలు, పథకాలకు కేటాయింపులు చేశారు. బడ్జెట్‌ పరిమాణం మొత్తం రూ.47.66లక్షల కోట్లు కాగా.. వివిధ మార్గాల ద్వారా ఆదాయం రూ.30.80లక్షలకోట్లుగా అంచనా వేశారు. బడ్జెట్‌ ప్రసంగం సందర్భంగా ఆర్థిక మంత్రి నిర్మలా సీతారామన్‌ మాట్లాడుతూ గత 10 ఏళ్లలో ఆర్థిక వ్యవస్థలో ఎంతో అభివృద్ధి జరిగిందన్నారు. ప్రధాని నరేంద్ర మోదీ నాయకత్వంలోనే ఇది సాధ్యమైందన్నారు. ఆయన ప్రధాని అయ్యాక ఎన్నో సవాళ్లు ఎదురయ్యాయని.. సబ్‌కా సాథ్, సబ్‌కా వికాస్ మంత్రంతో ప్రభుత్వం సవాళ్లను ఎదుర్కొన్నట్లు వివరించారు.

బడ్జెట్ లో సంక్షేమ పద్దులో…..

గ్రామీణ ఉపాధి హామీ పథకం: రూ.86 వేల కోట్లు
ఆయుష్మాన్ భారత్: రూ. 7,500 కోట్లు
పారిశ్రామిక ప్రోత్సాహకాలు: రూ. 6,200 కోట్లు
సెమీ కండక్టర్స్, డిస్ప్లే ఎకో వ్యవస్థల తయారీ: రూ.6,90 కోట్ల
సోలార్ విద్యుత్ గ్రిడ్: రూ.8,500 కోట్లు
గ్రీన్ హైడ్రోజన్ మిషన్: రూ.600 కోట్లు

వివిధ శాఖలకుకేటాయింపులు.
రక్షణ శాఖ : రూ 6.2 లక్షల కోట్లు
ఉపరితల రవాణా, జాతీయ రహదారుల శాఖ: రూ.2.78లక్షల కోట్లు
రైల్వే శాఖ : రూ.2.55 లక్షల కోట్లు
వినియోగదారుల వ్యవహారాలు, ఆహారం, ప్రజాపంపిణీ: రూ. 2.13 లక్షల కోట్లు
హోం శాఖకు: రూ. 2.03 లక్షల కోట్లు
గ్రామీణాభివృద్ధి: రూ.1.77లక్షల కోట్లు
రసాయనాలు, ఎరువులు శాఖకు : రూ.1.68 లక్షల కోట్లు
కమ్యూనికేషన్ల శాఖకు : రూ.1.37 లక్షల కోట్లు
వ్యవసాయం, రైతు సంక్షేమం: రూ.1.27 లక్షల కోట్లు