అహింస రిలీజ్ డేట్ ఫిక్స్.. పోస్టర్ తో క్లారిటీ

ద‌గ్గుబాటి అభిరామ్ హీరోగా ఎంట్రీ ఇస్తున్న చిత్రం అహింస‌.ఈ మూవీని డైరెక్ట‌ర్ తేజ తెర‌కెక్కిస్తున్నాడు. ఏప్రిల్ 7న ప్ర‌పంచ‌వ్యాప్తంగా థియేట‌ర్ల‌లో సంద‌డి చేయ‌నుంద‌ని అప్ డేట్ ఇచ్చారు మేక‌ర్స్. ఈ సినిమాలోని పాత్రలతో డిజైన్‌ చేసిన కొత్త పోస్టర్‌తో ఇదే విషయాన్ని తెలియజేస్తూ.. ట్వీట్‌ చేశారు మేకర్స్‌. 20 ఏండ్ల క్రితం తేజ డైరెక్షన్‌లో లవ్‌ స్టోరీ బ్యాక్ డ్రాప్‌లో తెరకెక్కిన జయం సినిమాతో హీరోయిన్‌గా ఎంట్రీ ఇచ్చిన సదా.. ఈ చిత్రంలో లాయర్‌గా కనిపించనుండటం విశేషం.అహింసలో యాక్టర్‌ కమ్‌ డైరెక్టర్‌ సముద్రఖని విల‌న్‌గా న‌టిస్తున్నాడు. రజత్‌ బేడి, రవి కాలే, కమల్ కామరాజు, మనోజ్‌ టైగర్‌, కల్పలత, దేవీ ప్రసాద్‌ ఇతర కీలక పాత్రల్లో నటిస్తున్నారు. ఈ చిత్రాన్ని ఆనంది ఆర్ట్స్ క్రియేష‌న్స్ బ్యాన‌ర్‌పై పీ కిర‌ణ్ తెర‌కెక్కిస్తున్నారు. ప్రేమ‌క‌థ నేప‌థ్యంలో వస్తోన్న ఈ మూవీలో గీతికా హీరోయిన్‌గా న‌టిస్తోంది.హీరోహీరోయిన్ల లవ్‌ ట్రాక్‌తోపాటు ఫ్యామిలీ, ఎమోష‌న్స్, యాక్షన్‌ సీక్వెన్స్ చుట్టూ తిరుగుతూ సినిమా ఉండబోతున్నట్టు ఇప్పటికే విడుదలైన టీజర్‌, ట్రైలర్‌ తో క్లారిటీ ఇచ్చేశాడు తేజ.