‘ఆదిపురుష్’ నుంచి ‘జై శ్రీరామ్’ చార్ట్ బస్టర్ త‌రువాత.. రెండో పాటను రిలీజ్ చేయ‌నున్న మేక‌ర్స్

శ్రీ రామనిగా ప్రభాస్ నటించిన సినిమా ‘ఆదిపురుష్’. ఇందులోని తొలి పాట ‘జై శ్రీరామ్’. రామని వెంట నడుస్తూ లంకపై యుద్ధం చేసిన వానర సైన్యం పాడిన పాటగా దానిని తీర్చిదిద్దారు. ఇక రెండో పాట “రామ్ సియా రామ్…” సీతారాముల మీద ఉంటుందని తెలిసింది. మే 29న మధ్యాహ్నం 12 గంటలకు ‘రామ్ సియా రామ్’ పాట విడుదల కానుంది. ఈ గీతానికి రామ జోగయ్య శాస్త్రి సాహిత్యం అందించగా… సచేత్ పరంపర సంగీతం అందించడంతో పాటు ఆలపించారు.

రేడియో స్టేషన్స్, మూవీ ఛానల్స్, నేషనల్ న్యూస్ ఛానల్స్, అవుట్ డోర్ బిల్ బోర్డ్స్, మ్యూజిక్ స్ట్రీమింగ్ ప్లాట్‌ఫార్మ్స్, టిక్కెటింగ్ పార్ట్నర్స్, మూవీ థియేటర్స్, వీడియో స్ట్రీమింగ్ ప్లాట్‌ఫార్మ్స్, సోషల్ మీడియా ప్లాట్‌ఫార్మ్స్… 70కు పైగా మార్కెట్లలో విడుదల చేయడానికి ఏర్పాట్లు చేసినట్లు ‘ఆదిపురుష్’ టీమ్ వెల్లడించింది.

తిరుపతిలో ‘ఆదిపురుష్’ ప్రీ రిలీజ్ వేడుక!

ఆధ్యాత్మిక క్షేత్రమైన, హిందువులు ఎంతో భక్తిశ్రద్దలతో కొలిచే ఏడు కొండల శ్రీవాసుడు కొలువన తిరుపతిలో ‘ఆదిపురుష్’ ప్రీ రిలీజ్ ఫంక్షన్ నిర్వహించనున్నట్లు మూవీ నిర్మాణ సంస్థల్లో ఒకటైన యూవి క్రియేషన్స్ తెలియజేసింది. జూన్ 6వ తేదీ సాయంత్రం భారీ ఎత్తున భక్తులు, ప్రేక్షకులు, అభిమానుల సమక్షంలో వేడుకగా నిర్వహించడానికి ఏర్పాట్లు చేస్తున్నారు.