ఫుట్ పాత్ పై ఓ వాహనం దూసుకెళ్లడంతో ఐదుగురు అక్కడికక్కడే దుర్మరణం పాలైన విషాద ఘటన కేరళ రాష్ట్రంలోని త్రిసూర్ లో మంగళవారం తెల్లవారుజామున చోటుచేసుకుంది. వివరాల్లోకి వెళితే.. త్రిసూర్ పట్టణం లోని ఫుట్ పాత్ పై కొంతమంది నిద్రించారు. ఈ క్రమంలోనే అతివేగంతో దూసుకొచ్చిన లారీ అదుపుతప్పి ఫుట్ పాత్ పైనుంచి దూసుకెళ్లింది.
ఈ దర్ఘటనలో ఐదుగురు అక్కడిక్కడే ప్రాణాలు కోల్పోయారు. మరో నలుగురి పరిస్థితి అత్యంత విషమంగా ఉన్నట్లుగా తెలుస్తోంది. స్థానికుల సమాచారం మేరకు ఘటనా స్థలానికి చేరుకున్న పోలీసులు ప్రమాదం జరిగిన ప్రాంతాన్ని పరిశీలించారు. మృతులంతా తమిళనాడు రాష్ట్రానికి చెందిన వారిగా గుర్తించారు.
అనంతం మృతదేహాలను పోస్ట్ మార్టం నిమిత్తం ప్రభుత్వాసుత్రికి తరలించారు. గాయపడిన వారిని మెరుగైన చికిత్స కోసం ప్రైవేటు ఆసుపత్రికి తీసుకెళ్లారు. ఈ మేరకు కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు.