కెన‌డాలో మ‌హిళ‌ను తుపాకీతో కాల్చి చంపిన దుండ‌గుడు

కెన‌డాలో తుపాకీ కాల్పుల క‌ల‌క‌లం రేపింది. మిస్సిస్సౌగలో ఓ గుర్తు తెలియని వ్యక్తి భారత సంతతికి చెందిన సిక్కు మహిళ పవన్‌ ప్రీత్‌ కౌర్‌ (21)ని కాల్చిచంపాడు. స్థానికంగా ఉన్న ఓ గ్యాస్‌ స్టేషన్‌ వెలుపల ఈ ఘటన చోటుచేసుకుంది. వెంట‌నే స్థానికులు పోలీసుల‌కు స‌మాచారం అందించారు. ఘ‌ట‌న స్థ‌లానికి చేరుకున్న పోలీసులు వివ‌రాలు సేక‌రించారు. మహిళను హుటాహుటిన ఆస్పత్రికి తరలించారు. అప్పటికే మరణించినట్లు వైద్యులు ధృవీకరించారు. కాల్పుల ఘటనకు ముందు నిందితుడు గ్యాస్‌ స్టేషన్‌ ముందే తచ్చాడినట్లు పోలీసులు సీసీ ఫుటేజ్‌లో గుర్తించారు. పరారీలో ఉన్న నిందితుడి కోసం గాలింపు చేపట్టారు.