జగిత్యాల : అనుమానం పెనుభూతంగా మారి.. పెళ్లినాటి ప్రమాణాలను మర్చిపోయి భార్యను అత్యంత కిరాతకంగా హతమార్చిన విషాదకర ఘటన జగిత్యాల జిల్లా మల్లాపూర్‌ మండలం వేంపల్లి గ్రామంలో చోటు చేసుకుంది.
స్థానికులు తెలిపిన వివరాలిలా ఉన్నాయి. గ్రామానికి చెందిన వెలుమల సునీత (30), రమేష్‌ దంపతులు. కొంతకాలంగా కుటుంబంలో కలహాలు చోటు చేసుకుంటున్నాయి. సునీతపై అనుమానం పెంచుకున్న రమేష్‌ బుధవారం ఆమెను హత్య చేశాడు.
సమాచారం అందుకున్న పోలీసులు సంఘటన స్థలానికి చేరుకొని మృతదేహాన్ని పోస్ట్‌మార్టం నిమిత్తం ప్రభుత్వ దవాఖానకు తరలించారు. కేసు నమోదు చేసుకొని దర్యాప్తు చేపట్టారు. సునీత మృతితో గ్రామంలో విషాద ఛాయలు అలుముకున్నాయి. ఈ ఘటనకు సంబంధించిన పూర్తి వివరాలు తెలియాల్సి ఉంది.
- Advertisement -