నూత‌న సంవ‌త్స‌రం తొలిరోజే జపాన్లో భారీ భూకంపం సంభవించింది. ఈ నేపథ్యంలో సునామీ హెచ్చరికలు జారీ అయ్యాయి. ఇవాళ జపాన్లోని నార్త్ సెంట్రల్ ప్రాంతంలో రిక్టర్ స్కేల్ పై 7.6 తీవ్రతతో భూకంపం సంభవించింది. ఈ ఘటనలో ఎంత ప్రాణ, ఆస్థి నష్టం జరిగింద‌నే విషయంపై ఇంకా క్లారిటీ లేదు. కాగా.. తాజా భూకంపం కారణంగా.. ఆ ప్రాంతంలో అధికారులు సునామీ హెచ్చరికలు జారీ చేశారు.
సునామీ అలర్ట్ జారీ..
జపాన్ పశ్చిమ తీరంలోని ఇషికావా, నైగట, టయోమా రాష్ట్రాలకు సునామీ హెచ్చరికలు జారీ అయ్యాయి. ఇషికావాలోని నాటో తీర ప్రాంతంలో 5 మీటర్ల ఎత్తుగల అలలు దూసుకెళ్లినట్టు తెలుస్తోంది. అదే ఇషికావాలోని వజిమా నగరంలో 1 మీటర్ ఎత్తున్న అలలు తీరాన్ని తాకినట్టు సమాచారం.