శామీర్ పేట, (ప్రభ న్యూస్) : బైక్ అదుపుతప్పి ఎలక్ట్రికల్ పోల్ ను ఢీకొట్టిన రోడ్డు ప్రమాదంలో ఇద్దరు అక్కడికక్కడే మృతి చెండగా మరొకరికి తీవ్ర గాయలైన ఘటన ఇవ్వాల (ఆదివారం) శామీర్ పేట పోలీస్ స్టేషన్ పరిధిలో సాయంత్రం చోటు చేసుకుంది. స్థానిక సీఐ నిరంజన్ రెడ్డి తెలిపిన వివరాల ప్రకారం ఇలా ఉన్నాయి. వనపర్తి జిల్లా, కొత్తకోట మండలంకు చెందిన మహేష్(20) అనే వ్యక్తి తన తమ్ముడైన కృష్ణ, (10)ను శామీర్ పేట్ గ్రామ పరిధిలో గల గురుకుల పాఠశాలలో దించడానికి వీరిద్దరుతో ఇంకొక వ్యక్తి (వివరాలు తెలియరాలేదు), ముగ్గురు కలిసి కేటీఎం బైక్ పైన వెళ్తున్నారు.
ఈ క్రమంలో శామీర్ పేట్ బాబా గూడ మధ్యలో, పాత మసీద్ దగ్గరలో, ఆదివారం సాయంత్రం అందాజ 05:20 గంటల ప్రాంతం లో మహేష్ బైక్ ను నడుపుతుండగా, బైక్ అదుపు తప్పి రోడ్డు పక్కనే ఉన్న సిమెంట్ ఎలక్ట్రిక్ పోల్ ను ఢీ కొట్టగా, బైక్ పైన ఉన్న మహేష్, కృష్ణ లకు తలకు బలమైన రక్త గాయలై అక్కడికక్కడే చనిపోయినారని సీఐ తెలిపారు. బైక్ పైన ఉన్న మూడో వ్యక్తి కి బలమైన రక్త గాయాలు కాగా, చికిత్స నిమిత్తం గాంధీ హాస్పిటల్ కి తరలించినట్లు చెప్పారు. ఈ మేరకు పోలీసు పోలీసులు కేసు నమోదు చేసి దర్యాప్తు చేస్తున్నారు.
