ఆశలు పెంచేస్తున్న ఫిట్మెంట్ ఫ్యాక్టర్
సాధారణ వేతనం భారీగా పెరిగే చాన్స్
ప్రస్తుతం బేసిక్ సాలరీ ₹18–₹21వేలు
8వ వేతన సంఘంతో ₹18–₹41వేలకు పెంపు
నెలవారీ వేతనం ₹1.23 నుంచి ₹1.47గా ఉండే అవకాశం
అంచనాలపై లెక్కలేస్తున్న ఉద్యోగ సంఘాలు
పెరిగే జీతంపై గణాంకాలు.. స్టెప్ బై స్టెప్ పరిశీలిద్దాం
ఆంధ్రప్రభ, సెంట్రల్ డెస్క్:
ఎనిమిదో వేతన సంఘం కోసం ఉద్యోగులు ఆసక్తిగా ఎదురు చూస్తున్నారు. వేతన సవరణ చేయాలన్న డిమాండ్ చాన్నాళ్ల నుంచి వినిపిస్తోంది. కేంద్ర ప్రభుత్వ ఉద్యోగుల కోసం ఎనిమిదో వేతన సంఘం ఏర్పాటుకు ప్రధాని మోదీ ఆమోదం తెలిపారు. ఈ వేతన సవరణ అనేది 2026 సంవత్సరం నుంచి అమలులోకి వ‌స్తుంద‌ని ప్రభుత్వం తెలిపింది. ఎనిమిదో వేతన సంఘం ఛైర్మన్, ఇద్దరు సభ్యుల పేర్లను త్వరలో ప్రకటించ‌నున్నారు. అంతకుముందు, 2016లో 7వ వేతన సంఘం ఏర్పడింది. 8వ వేతన సంఘం విడుదలపై కేంద్ర మంత్రి అశ్విని వైష్ణవ్ సమాచారం ఇచ్చారు. ఏడో వేతన సంఘం 2016లో అమలు చేశామ‌ని, దాని పదవీకాలం 2026 వరకు ఉందన్నారు.
8వ వేతన సంఘం అంటే ఏమిటి?
కేంద్ర ప్రభుత్వం ఒక కమిషన్‌ను ఏర్పాటు చేస్తుంది. దీన్నీ పే కమిషన్ అంటారు. ఇది కేంద్ర ప్రభుత్వ ఉద్యోగుల జీత నిర్మాణంలో మార్పులను సిఫార్సు చేస్తుంది. మునుపటి అంటే 7వ వేతన సంఘం ఫిబ్రవరి 2014లో ఏర్పడింది. అయితే.. దీన్ని జనవరి 1, 2016న అమలు చేశారు. 7వ వేతన సంఘంలో ఉద్యోగుల జీతం ₹7,000 నుండి ₹18,000కి పెంచారు. సాధారణంగా ప్రతి 10 సంవత్సరాలకు ఒక కొత్త వేతన కమిషన్ ఏర్పడుతుంది. ఈ సారి ఏర్పాటు చేసే 8వ వేతన సంఘం 2026 నుంచి అమల్లోకి వస్తుంది.
ఆర్థిక పరిస్థితులకు అనుగుణంగా..
1947 నుంచి ఇప్పటివరకు 7 వేతన సంఘాలు ఏర్పాటు అయ్యాయి. జాప్యానికి తావులేకుండా వేతన సంఘాలు ఏర్పాటు చేయాలని ప్రధాని సంకల్పించారు. అందుకు అనుగుణంగానే ఈ నిర్ణయం తీసుకున్నట్టు అశ్విని వైష్ణవ్ తెలిపారు. కేంద్ర ప్రభుత్వ ఉద్యోగులకు వేతనాలు, భత్యాలు ఎంత ఉండాలో నిర్ణయించడంలో వేతన సంఘం కీలక పాత్ర పోషిస్తుంది. ప్రస్తుత ఆర్థిక పరిస్థితులను దృష్టిలో పెట్టుకుని, ప్రస్తుతమున్న జీతాలు, పింఛన్లను ఎంత మేరకు పెంచాలో ప్రభుత్వానికి ఈ కమిటీ సిఫార్సు చేస్తుంది. పే కమిషన్ నివేదిక ఆధారంగా కేంద్ర ప్రభుత్వం వేతన సవరణ చేపడుతుంది.
ఎప్ప‌టి నుంచి అమలులోకి..
ఎనిమిదో వేతన సంఘం 2026 సంవత్సరం నుంచి అమలులోకి వస్తుంది. ఇంత త్వరగా ప్రకటించడానికి కారణం ఏమిటంటే, సూచనలు, సిఫార్సులు మొదలైన వాటిని సకాలంలో సరిగ్గా నిర్వహించగలిగేలా ఇది ఇంత త్వరగా రూపొందిస్తున్నారు. ఇప్పటివరకు ప్రభుత్వ ఉద్యోగులు ఏడో వేతన సంఘం సిఫార్సుల ప్రకారం జీతాలు పొందుతున్నారు. ఎనిమిదో వేతన సంఘం అమలు తర్వాత కేంద్ర ప్రభుత్వ ఉద్యోగుల జీతం పెరుగుతుందని చాలా ఆశలున్నాయి. దీని కింద ప్రభుత్వం పదవీ విరమణ చేసిన ఉద్యోగుల పెన్షన్ , అలవెన్సులను పెంచవచ్చు. ఈ కమిషన్ ఏర్పాటుకు క‌చ్చితమైన తేదీ ఇంకా ప్రకటించలేదు.
జీతం ఎంత పెరుగుతుందంటే..
8వ వేతన సంఘాన్ని పర్యవేక్షించడానికి త్వరలో ఒక ఛైర్మన్, ఇద్దరు సభ్యులను నియమిస్తామని కేంద్ర మంత్రి అశ్విని వైష్ణవ్ తెలిపారు. 8వ వేతన సంఘం అమలులోకి వ‌స్తే జీతంలో ఎలాంటి తేడా ఉంటుందనే అంశంపై చాలామంది చ‌ర్చించుకుంటున్నారు. జీతం గణనలో ఫిట్మెంట్ ఫ్యాక్టర్ కీలక మైన పాత్ర పోషిస్తుంది. ఇది జీతం, పెన్షన్‌లో ఎంత పెరుగుదల ఉంటుందో నిర్ణయిస్తుంది. ప్రస్తుత పే కమిషన్‌లో ఫిట్మెంట్ ఫ్యాక్టర్ 2.57 వద్ద ఉంది. దీని ద్వారా కనీస వేతనం ₹.7,000 నుండి ₹18,000కు పెరిగింది. 8వ వేతన సంఘం కోసం 2.86 ఫిట్మెంట్ ఫ్యాక్టర్ డిమాండ్లో ఉంది. దీని ప్రకారంకనీస పెన్షన్ ₹ 9,000 నుండి ₹25,740 కి పెరగవచ్చు. పదోన్నతి, జీతం పెరుగుదలతో పెన్షన్ కూడా పెరగవచ్చు.
=====================
జీతం ఎలా పెరుగుతుందో చూద్దాం..
స్టెప్ 1: ఫిట్మెంట్ ఫ్యాక్టర్ అంటే
ఫిట్మెంట్ ఫ్యాక్టర్ను 7వ వేతన సంఘం కింద ఉద్యోగి ప్రస్తుత బేసిక్ సాలరీతో గుణించి 8వ వేతన సంఘం కింద బేసిక్ సాలరీ ఫిక్స్ చేస్తారు. ఉదాహరణకు, 8వ వేతన సంఘం కోసం ప్రతిపాదించిన ఫిట్మెంట్ ఫ్యాక్టర్ 2.28గా నిర్ణయించారు. దీని అర్థం ఉద్యోగుల జీతాలను వారి కొత్త వేతనాన్ని లెక్కించడానికి 2.28తో గుణిస్తారు.
==============
స్టెప్ 2: గణన ప్రక్రియ
కొత్త జీతాన్ని లెక్కించడానికి, ఉద్యోగి ప్రస్తుత జీతాన్ని ఫిట్మెంట్ ఫ్యాక్టర్తో గుణించాలి. అంటే.. కొత్త జీతం = ప్రస్తుత జీతం x ఫిట్ మెంట్ ఫ్యాక్టర్..ఇది ఎలా పనిచేస్తుందో అర్థం చేసుకోవడానికి ఒక ఉదాహరణను పరిశీలిద్దాం
ఉదాహరణ 1: లెవల్ 1 ఉద్యోగి
ప్రస్తుత జీతం (7వ వేతన కమిషన్): ₹18,000
ఫిట్మెంట్ కారకం: 2.28
కొత్త జీతం = ₹18,000 x 2.28
కొత్త జీతం మొత్తం = ₹40,944
ఉదాహరణ 2: లెవల్ 2 ఉద్యోగి
ప్రస్తుత జీతం (7వ వేతన కమిషన్): ₹19,900
ఫిట్మెంట్ ఫ్యాక్టర్: 2.28
కొత్త జీతం = ₹19,900 x 2.28
కొత్త జీతం = ₹45,372
===================
స్టెప్ 3: డియర్‌నెస్ అలవెన్స్ (DA) లో ఫ్యాక్టర్
డియర్‌నెస్ అలవెన్స్ (DA) అనేది ద్రవ్యోల్బణం ప్రభావాన్ని భర్తీ చేయడానికి ఉద్యోగులకు అందించే అదనపు మొత్తం. డీఏను బేసిక్ సాలరీకి జోడిస్తారు.8వ వేతన కమిషన్ కింద కొత్త జీత నిర్మాణంలో కూడా చేర్చబడుతుంది. 2026 నాటికి డీఏ 70శాతానికి చేరుకుంటుందని భావిస్తున్నారు. కాబట్టి, డీఏను కొత్త బేసిక్ సాలరీకి యాడ్ చేస్తారు.
జీతాలు ఎంత పెరుగుతాయి?
ఉదాహరణ 3: DAతో సహా..
లెవల్ 1 ఉద్యోగి బేసిక్ సాలరీ ₹40,944.
కొత్త ప్రాథమిక జీతం: ₹40,944
ఆశించిన DA (70%): ₹40,944 లో 70% = ₹28,660.80
మొత్తం జీతం (ప్రాథమిక + DA) = ₹40,944 + ₹28,660.80 =₹69,604.80
===================
స్టెప్ 4: పే మ్యాట్రిక్స్‌ను ఎలా ఉపయోగించాలి
పే మ్యాట్రిక్స్ అనేది ఫిట్మెంట్ ఫ్యాక్టర్ ఆధారంగా 8వ పే కమిషన్‌లో ప్రతి స్థాయికి జీతం చూపించే పట్టిక. ప్రతి స్థాయికి కొత్త జీతం ఇప్పటికే పే మ్యాట్రిక్స్‌లో ముందే లెక్కిస్తారు.
ఉదాహరణకు, లెవల్ 1 ఉద్యోగి జీతం ₹18,000 నుండి ₹21,600 వరకు ఉంటుంది. అయితే లెవల్ 1 ఉద్యోగి జీతం ₹1,23,100 నుండి ₹1,47,720 వరకు ఉంటుంది. ఈ ప్రక్రియను అనుసరించడం ద్వారా ప్రభుత్వ ఉద్యోగులు జనవరి 1, 2026 నుంచి వారి వేతనాల్లో గణనీయమైన పెరుగుదలను చూస్తారు. కనీస వేతనం ₹18,000 నుండి ₹41,000 వరకు పెరుగుతుందని అంచనాలున్నాయి.