చెన్నై శివారులోని నగల షోరూమ్‌లో పక్కాగా సినిమా స్టైల్లో దొంగలు 10 కిలోల బంగారం, కోటి రూపాయల వజ్రాలు ఎత్తుకెళ్లిపోయారు. వివ‌రాల‌లోకి వెళితే, పెరంబూర్లోని పేపర్మిల్స్ రోడ్డులో శ్రీధర్ తన కుటుంబంతో కలిసి రెండస్థుల భవనంలో నివాసం ఉంటున్నాడు.
అదే బిల్డింగ్ లోని ఫస్ట్ ఫ్లోర్ లో ఎనిమిది సంవత్సరాలుగా జేఎల్ గోల్డ్ ప్యాలెస్ పేరుతో బంగారు నగల దుకాణాన్ని నడుపుతున్నాడు. ఎప్పటిలాగే గురువారం రాత్రి నగల దుకాణాన్ని మూసివేశాడు. అయితే శుక్రవారం ఉదయం షాప్ తెరిచేందుకు శ్రీధర్ తన షాపునకు వచ్చి చూసేసరికి షాక్కు గురయ్యాడు. ఈ షాపు స‌మీపంలోని గుడి వెనుక నుంచి షోరూమ్ దుకాణ షట్టర్ను గుర్తుతెలియని దుండగులు వెల్డింగు మిషన్తో కత్తిరించి దోపిడీ చేశారు. భవనంలోని సీసీటీవీ హార్డ్ డిస్క్ను కూడా తీసుకువెళ్లిపోయారు. దుకాణ యజమాని ఫిర్యాదుతో పోలీసులు దొంగ‌ల కోసం వేటాడుతున్నారు.