ఏపీలో రేపటి నుంచి 10వ తరగతి సప్లిమెంటరీ

ఏపీలో రేపటి నుంచి టెన్త్ సప్లిమెంటరీ పరీక్షలు ప్రారంభం కానున్నాయి. 2021-22 పదవ తరగతి పబ్లిక్‌ పరీక్షల్లో ఫెయిల్‌ అయిన విద్యార్థులకు ఈ పరీక్షలు నిర్వహించనున్నారు. ఇందుకోసం అధికారులు అన్ని ఏర్పాట్లు పూర్తి చేశారు. రేపటి నుంచి ఈ నెల 15వ తేదీ వరకు ఉదయం 9.30 గంటల నుంచి మధ్యాహ్నం 12.30 వరకు పరీక్షలను నిర్వహిస్తున్నట్లు అధికారులు వెల్లడించారు. 2,01,627 మంది విద్యార్థులు పరీక్షలు రాయనున్నారని వివరించారు. ఇప్పటికే హాల్‌ టికెట్లు విడుదల చేశామని వెల్లడించారు.