వాషింగ్టన్ : కరోనా మృతులకు సంతాపంగా అమెరికా జాతీయ పతాకం అవనతం

అమెరికాలో కరోనా కేసుల సంఖ్య, కరోన మృతుల సంఖ్య ప్రపంచ దేశాలలోనే అత్యధికంగా ఉంది. మహమ్మారి దెబ్బకు అగ్రరాజ్యం కోలుకోలేని విధంగా దెబ్బతింది. ఆ దేశంలో కరోనా కారణంగా మరణించిన వారి సంఖ్య 5 లక్షలకు పైనే. అలాగే 2 కోట్లకు పైగా కరోనా బారిన పడ్డారు. ఈ నేపథ్యంలో అమెరికా అధ్యక్షుడు బైడెన్ కరోనా మృతులకు సంతాప సూచకంగా అమెరికా జాతీయ పతాకాన్ని ఐదు రోజుల పాటు అవనతం చేయాలని ఆదేశాలు జారీ చేశారు. దేశ వ్యాప్తంగా అన్ని కార్యాలయాలపై ఉన్న జాతీయ పతాకాన్ని అవనతం చేయాలని పేర్కొన్నారు.