Gold Rate Today-24K Gold Hits- Rs. 15,589 Per Gram | ఐదో రోజు ప‌రుగులు!..బంగారం కొనుగోలుదారుల‌కు షాక్‌

Gold Rate Today-24K Gold Hits- Rs. 15,589 Per Gram | ఐదో రోజు ప‌రుగులు!..బంగారం కొనుగోలుదారుల‌కు షాక్‌

• దేశీయ మార్కెట్‌లో ప‌రుగులు
• అంత‌ర్జాతీయ మార్కెట్‌లో త‌గ్గుద‌ల‌
• ప‌ది రోజుల్లో ప‌ది గ్రాముల‌కు రూ.3920 పెరుగుద‌ల‌

Gold Rate Today-24K Gold Hits- Rs. 15,589 Per Gram | ఆంధ్రప్రభ వెబ్, బిజినెస్ ప్రతినిధి: బంగారం ధరలు మరోసారి ఎగబాకాయి. జాతీయ మార్కెట్‌లో ఈ రోజు (ఆగస్టు 18, 2026) 24 క్యారెట్ల బంగారం గ్రాము ధర రూ.15,589కు చేరగా, 22 క్యారెట్ల బంగారం రూ.14,290 వద్ద ట్రేడవుతోంది. వరుసగా ఐదో రోజు ధరలు పెరగడం గమనార్హం.

అంతర్జాతీయ మార్కెట్‌లో స్పాట్ గోల్డ్ ఔన్స్ ధర 4,399.25 డాలర్లుకు స్వల్పంగా తగ్గినా, దేశీయ రిటైల్ మార్కెట్‌లో రూపాయి మారకం విలువ, స్థానిక డిమాండ్, పండుగల కొనుగోళ్ల ప్రభావంతో బంగారం ధ‌ర పెరిగింది.

స్పాట్ గోల్డ్ స్వల్ప బలహీనత
అంతర్జాతీయంగా ఔన్స్ (31.10 గ్రాములు) ధర 17.73 డాలర్లు తగ్గింది. లాభాల స్వీకరణ (Profit Booking) కారణంగా ఈ స్వల్ప పతనం కనిపించింది.

దేశీయ డిమాండ్ బలంగా ఉంది
వరలక్ష్మీ వ్రతం, రాబోయే పండుగలు, వివాహ సీజన్ కొనుగోళ్లతో జువెలరీ డిమాండ్ పెరగడం రిటైల్ ధరలకు మద్దతుగా నిలిచింది.

రూపాయి–డాలర్ మారకం విలువలో మార్పులు దిగుమతి వ్యయాన్ని పెంచడంతో, అంతర్జాతీయ ధర తగ్గినా దేశీయ మార్కెట్‌లో ప్రభావం పరిమితంగానే కనిపించింది.