భక్తులతో కిటకిటలాడిన తిరుమల

తిరుమల, ప్రభ న్యూస్‌: తిరుమల శ్రీవారి ఆలయం భక్తులతో కిటకిటలాడుతోంది. వారాంతపు సెలవుల కారణంగా భక్తులు తిరుమలకు పోటెత్తారు. ఈ కారణంగా తిరుమలలో ఏ మూలన చూసినా భక్తులు తండోపతండాలుగా కనిపించారు.
కరోనా కారణంగా టీటీడీ పలు ఆంక్షలు విధించిన సంగతి తెలిసిందే. ప్రస్తుతం వైరస్‌ అదుపులోకి వస్తుండడంతో టీటీడీ నిబంధనలను కొంత మేర ఎత్తివేయంతో అలిపిరి వద్ద భారీ సంఖ్యలో వాహనాలు నిలిచిపోయాయి. ఆదివారం 80 వేల మందికి పైగా భక్తులు శ్రీవారిని దర్శించుకున్నట్లు తెలుస్తోంది.