క్రిస్మస్ ప్రపంచ వ్యాప్తంగా లక్షలాది మంది ప్రజలు ఎంతో వైభవంగా, ఆనందంతో జరుపుకునే గొప్ప పండుగ. ప్రతి సంవత్సరం డిసెంబర్‌ 25న యేసుక్రీస్తు జన్మదినాన్ని జ్ఞాపకం చేసుకుంటూ ఈ పండుగ నిర్వ#హంచ బడుతుంది. క్రిస్మస్ ప్రేమ, శాంతి, సమానత్వం అనే విలువలను నేర్పే అపూర్వమైన వేడుక.
క్రిస్మస్ ఎలా ప్రారంభమైంది?
క్రైస్తవ సంప్రదాయాల ప్రకారం, యేసు క్రీస్తు దేవుని కుమారుడు. మానవాళిని పాపాల నుండి రక్షించేందుకు ఆయన భూమిపై జన్మించారు. గర్భస్థులైన మేరీ (కన్య మరియ) బేత్లెహం నగరంలోని గోశాలలో యేసును ప్రసవించారు. ఆ రాత్రి గగనంలో ప్రకాశించిన గొప్ప నక్షత్రం యేసు జన్మదినానికి గుర్తుగా చెప్పబడింది. యేసు జన్మించిన వెంటనే మేఘస్తులు, క్షత్రియులు, మేధావులు ఆయనను దర్శించి బ#హుమతులు సమర్పించారు. ఆ తరువాత యేసు సందేశాలను అనుసరించే వారు ఆయన జన్మదినాన్ని జ్ఞాపకం చేసుకునేందుకు క్రిస్మస్ పండుగను ప్రారంభించారు. క్రిస్మస్ పండుగ ప్రపంచ వ్యాప్తంగా ప్రాచుర్యం పొందింది. అయితే ప్రతి దేశంలో ఈ పండుగను జరుపుకునే పద్ధతులు భిన్నంగా ఉంటాయి.
క్రిస్మస్ ట్రీ:
క్రిస్మస్ ట్రీ ఈ పండుగకు ప్రతీక. ఎప్పటికీ పచ్చగా ఉండే ఈ చెట్టును జీవితానికి, ఆశకు సంకేతంగా భావిస్తారు. దీనిని రంగురంగుల లైట్లు, నక్షత్రాలు, పూలతో అలంకరించడం ఆనందదాయకమైన పద్ధతి.
శాంటా క్లాజ్‌:
పిల్లలకు క్రిస్మస్ అంటే శాంటా క్లాజ్‌ గుర్తొస్తారు. సాన్ట్‌ నికోలస్‌ అనే దాతకు ప్రేరణగా ఏర్పడిన ఈ పాత్ర, పిల్లలకు బహుమతులు అందించడం ద్వారా వారిని ఆనందపరుస్తుంది. దాతృత్వం, ప్రేమ అనే భావాలను ఈ సంప్రదాయం నూరి పోస్తుంది.
క్రిస్మస్ కేరోల్స్‌:
క్రిస్మస్ సందర్భంగా ”కేరోల్స్‌” అనే పాటలు పాడడం అనేది ఈ పండుగ ప్రత్యేకత. ఇవి దేవుని వైభవాన్ని, యేసు జీవితం అందించిన ఆశీర్వాదాలను గానంగా తెలియజేస్తాయి.
దాతృత్వం:
క్రిస్మస్ పండగలో పేదలకు ఆహారం, దుస్తులు వంటి సహాయం చేయడం అనేది ప్రధానమైన సంప్రదాయం. సేవా కార్యక్రమాలు యేసు సందేశానికి నిదర్శనం.
కుటుంబ సమాగమం:
క్రిస్మస్ సందర్భంగా కుటుంబ సభ్యులు ఒకచోట చేరి భోజనం, బ#హుమతుల మార్పిడి ద్వారా తమ బంధాలను మరింత బలంగా చేస్తారు.
అలంకరణలు:
ఇళ్లను, చర్చిలను నక్షత్రాలు, రంగురంగుల లైట్లు, బొమ్మలు వంటి వస్తువులతో అలంకరించడం పండగ వైభవాన్ని పెంచుతుంది.
క్రిస్మస్ సందేశం
క్రిస్మస్ పండగ మనకు ప్రేమ, శాంతి, క్షమ వంటి విలువలను నేర్పుతుంది. యేసు క్రీస్తు జీవితం పరస్పర సహనం, సమానత్వం, సేవ అనే లక్షణాలను ప్రతిపాదిస్తుంది. మత భేదాలను దాటుకుని, ప్రతి ఒక్కరికీ స్నేహభావం కల్పించడమే ఈ పండుగ ఉద్దేశం.
క్రిస్మస్ పండగ మనిషి మనసును ప్రేమ, దాతృత్వంతో నింపుతుంది. ఈ పండుగను మనం కేవలం వేడుకగా మాత్రమే కాకుండా, యేసు బోధించిన విలువలను అనుసరించి జీవనంలోకి తీసుకు రావాలి.
- రామకిష్టయ్య సంగనభట్ల