శ్రీ ఆదిత్య హృదయము

తతో యుద్ధపరిశ్రాంతం సమరే చింతయా స్థితమ్‌
రావణం చాగ్రతో దృష్ట్యా యుద్ధాయ సముస్థితమ్‌ 1
దైవతైశ్చ సమాగమ్య ద్రష్టు మభ్యాగతో రణమ్‌
ఉపగమ్యా బ్రవీద్రామమగస్త్యో భగవాన్‌ ఋషి: 2
అగస్త్యోవాచ :
రామ రామ మహోబాహో శృణు గుహ్యం సనాతనమ్‌
యేన సర్వా నరీన్‌ వత్స సమరే విజయిష్యసి 3
ఆదిత్యహృదయం పుణ్యం సర్వ శత్రు వినాశనమ్‌
జయావహం జపే న్నిత్య మక్షయం పరమం శుభమ్‌ 4
సర్వమంగళ మాంగల్యం సర్వపాప ప్రణాశనమ్‌
చింతాశోక ప్రశమన మాయుర్వర్థన ముత్తమమ్‌ 5
రశ్మిమంతం సముద్యంతం దేవాసుర నమస్కృతమ్‌
పూజయస్వ వివస్వంతం భాస్కరం భువనేశ్వరమ్‌ 6
సర్వ దేవాత్మకో హ్యేష తేజస్వీ రశ్మిభావన:
ఏష దేవాసుర గణాన్‌ లోకాన్‌ పాతి గభస్తిభి: 7
ఏష బ్రహ్మాచ విష్ణుశ్చ శివస్కంద: ప్రజాపతి:
మహేంద్రో ధనధ: కాలో యమ స్సోమోహ్యంపాంపతి:8
పితరో వస స్సాధ్యా హ్యశ్వినౌ మరుతో మను:
వాయు ర్వహ్నిప్రజా: ప్రాణా ఋతుకర్తా ప్రభాకర: 9
ఆదిత్యస్సవితా సూర్య: ఖగ: పూషా గభస్తిమాన్‌
సువర్ణ సదృశో భాను: స్వర్ణరేతా దివాకర: 10
హరిదశ్వ స్సహస్సార్చి స్సప్తసప్తి ర్మరీచిమాన్‌
తిమిరోన్మధన శ్శంభు స్త్వాష్టా మార్తాండ అంశుమాన్‌ 11
హిరణ్యగర్భ స్త్రిశిరో స్తపనో భాస్కరో రవి:
అగ్నిగర్భో దితే:పుత్ర శ్శంఖ శ్శిశిరనాశన: 12
వ్యోమనాథ స్తమోభేదీఋగ్యజు స్సామ పారగ:
ఘనసృష్టి రసాంమిత్రో వింధ్య వీధి ప్లవంగమ: 13
ఆతపీ మండలీ మృత్యు: పింగళ స్సర్వతాపన:
రవి ర్విశ్వో మహాతేజో రక్తస్సర్వభవోద్భవ: 14
నక్షత్ర గ్రహ తారాణాన మధిపో విశ్వభావన:
తేజసా మపి తేజీస్వీ ద్వాదశాత్మన్‌ నమోస్తుతే 15
నమ: పూర్వాయ గిరయే పశ్చిమాయాద్రయే నమ:
జ్యోతిర్గణానాం పతయే దినాధిపతయే నమ: 16
జయాయ జయభద్రాయ హర్యశ్వాయ నమో నమ:
నమో నమ స్సహస్రాంశో ఆదిత్యాయ నమో నమ: 17
నమ ఉగ్రాయ వీరాయ సారంగాయ నమో నమ:
నమ: పద్మప్రబోధాయ మార్తాండాయ నమో నమ: 18
బ్రహ్మేశానాచ్యు తేశాయ సూర్యాయాదిత్య వర్చసే
భాస్వతే సర్వభక్షాయ రౌద్రాయ వపుషే నమ: 19
తమోఘ్నాయ హిమఘ్నాయ శత్రుఘ్నాయామితాత్మనే
కృతఘ్నఘ్నాయ దేవాయ జ్యోతిషాం పతయే నమ: 20
తప్త చామీకరాభాయ వహ్నయే విశ్వకర్మణ
నమస్తమోభినిఘ్నాయ రుచయే లోకసాక్షిణ 21
నాశయ త్యేషవైభూతం త థైవ సృజతి ప్రభు:
పాయత్యేష తపత్యేష వర్షత్యేస గభస్తిభి: 22
ఏష సుప్తేషు జాగర్తి భూతేషు పరినిష్ఠిత:
ఏషచై వాగ్నిహోత్రం చ ఫలం చైవాగ్ని హోత్రిణామ్‌ 23
వేద శ్చ క్రతవశ్చైవ క్రతూనాం ఫల మేవ చ
యాని కృత్యాని లోకేషు సర్వాణ్యషురవి: ప్రభు: 24
ఏన మాపత్సు కృచ్ఛ్రేషు కాంతారేషు భయేషు చ
కీర్తయన్‌ పురుష: కశ్చి న్నావసీదతి రాఘవ 25
పూజయ స్వైన మేకాగ్రో దేవదేవం జగత్పతిమ్‌
ఏత త్త్రిగుణితం జప్త్వా యుద్ధేషు విజయిష్యసి 26
అస్మిన్‌క్షణ మహాబాహో రావణం త్వం వధిష్యసి
ఏవ ముక్త్వా తదాగస్త్యో జగామచ యథాగతమ్‌ 27
ఏత చ్ఛ్రుత్వా మహాతేజా నష్టశోకో భవత్తదా
ధారయామాససుప్రీతోరాఘవ: ప్రియతాత్మవాన్‌ 28
ఆదిత్యం ప్రేక్ష్య జప్త్వాతు పరం హర్ష మవాప్నుయాత్‌
త్రిరాచమ్య శుచిర్భూత్వా ధనురాదాయ వీర్యవాన్‌ 29
రావణం ప్రేక్ష్య హృష్టాత్మా యుద్ధాయ సముపాగమత్‌
సర్వయత్నేన మహతా వధే తస్య దృతో భవత్‌ 30
అథ రవిరవద న్నిరీక్ష్య రామం ముదితమనా: పరమం ప్రహృష్యమాణ:
నిశిచరపతి సంక్షయం విదిత్వా సురగణ మధ్యగతో వచస్త్వ రేతి.