పాపహరణం కేతీశ్వరుడి దర్శనం

పం చేశ్వరాలయాలలో ప్రముఖమైనది శ్రీలంకలోని కేతీశ్వర ఆలయం. ఈ స్థలంలోనే నవగ్రహ నాయకులలో ఒకడైన కేతువు ఈశ్వరుని ఆరాధించిన ఆలయం వుంది. అందువలననే ఈ ఆలయంలోని ఈశ్వరునికి ”కేతీశ్వరుడు” అనే పేరు వచ్చింది.
అత్యంత మహిమాన్వితమైన ఈ ఆలయానికి మహావిష్ణువు, ఇంద్రుడు, రా ముడు, రావణుడు, రావణుడి భార్య మండోదరి మొదలైన దేవతలు, రాజాధి రాజులు, భృగుమహర్షి వచ్చి పూజించారని చరిత్ర కథనం. మండోదరి తండ్రి మంథై రాజు శివుడిని ఆరాధించడానికి ఈ ఆలయాన్ని నిర్మించారని ఒక హిం దూ పురాణం పేర్కొంటున్నది.
ఒకసారి ఆది శేషునికి- వాయు భగవానునికి మధ్య తమలో ఎవరు బలవం తులనే వాగ్వాదం వచ్చింది. ఆదిశేషువు తన వేయి పడగలతో మహామేరువుని కనుమరుగు చేశాడు. వాయుదేవుడు తన బలంతో ఆదిశేషువుని త్రోసివేసి మహా మేరువుని మూడు ముక్కలుగా చేసేసాడు. ఆ మూడు ముక్కలే త్రికూటాద్రి, తిరుకేతీశ్వరం, గంధమాదన పర్వతం అనే మూడు పర్వతాలుగా ఉద్భవిం చాయని పురాణాలు తెలియచేస్తున్నాయి.
కేతీశ్వరాలయాన్ని మహాదు వట్టా అనే దేవశిల్పి నిర్మించినం దున ఈ స్ధలానికి ”మహాదువట్టా పురం” అనే పేరు వచ్చింది.
మహాదువట్టా త్రేతాయుగాని చెందిన గొప్ప శిల్పకళా కోవిదుడు. 6 వ శతాబ్దంలో యీ ఆలయం 1,120 ఎకరాల భూమిలో రెండు పెద్ద కందకాలు కలిగి వుండేది. ఈ ఆలయానికి సమీపమున వున్న ”మళిగైతిడల్‌” అనే ఊళ్ళో చోళుల కాలం నాటి శిలాశాసనాలు వున్నవి.
పోర్చుగీస్‌ వారి కాలంలో యీ ఆలయం ధ్వంసం చేయబడి ఆలయ ఆస్తులు, ఆభరణాలు అపహరించబడ్డాయి. 1872వ సంవత్సరంలో ఆర్ముగ నావలర్‌ అనే శివభక్తుడు యీ ఆలయ మ#హమలను ప్రచారం చేసిన పిదప తిరి గి ఆలయ పునరుద్ధరణ 1903లో జరిగింది.
ఇక్కడ వున్న పాలావి తీర్ధం ఎంతో మ#హమలు కలిగినదని ‘దక్షిణ కైలాస మాన్మీయం” అనే సంస్కృత గ్రంథంలో విపులంగా వర్ణించారు. ప్రాచీన కాలం లో ఈ పాలావి తీర్థం పాలావి నదిగా వుండేది.
ఆ నదీ తీరాన్నే కేతీశ్వర ఆలయం నిర్మించబడినది. ఇప్పుడు యీ నది పుష్కరిణిగా వున్నది. యీ తీర్ధంలో స్నానం చేసి కేతీశ్వరుడు దర్శనం చేసుకుంటే ఎంతటి ఘోరమైన పాపాలైనా కూడా తొలగిపోతాయని భక్తుల విశ్వాసం .
కేతీశ్వరుని ఆలయం తూర్పు ముఖంగా ఐదు అంతస్తులు కలిగి వున్నది. ఆల య నిర్వహణ తిరుకేతీశ్వర ధర్మ సంస్ధానం ద్వారా నిర్వహంచబడుతున్నది.
ఉత్తర శ్రీలంకలోని మణ్ణార్‌ జిల్లాలోని మణ్ణారు నగరం నుండి తూర్పు యాళ్పాణం వెళ్ళే మార్గంలో 10 కి.మీ దూరాన తిరుకేతీశ్వర ఆలయం నిర్మించబడి వున్నది. అక్కడికి యాళ్పాణం 110 కి.మీ దూరంలో వున్నది.