శ్రీరామనవరాత్రులలో చెత్ర శుద్ధ సప్తమి నాడు పాటించవలసిన విధి గూర్చి శ్రీమాన్‌ డాక్టర్‌ కందాడై రామానుజాచార్యుల వారి వివరణ…
చైత్రే మాసి సితె పక్షే సప్తమ్యాం మృగశీర్షకే
భాను సౌమ్య తదాంగార వార యోగే విశేషత:
తులసీ అర్చనం కార్యం హేమ పుష్పై: సుధీస్సదా
అనంత సంపత్సంపన్న: మోదతే భువి మానవ:
అని పద్మ పురాణ వచనం. చైత్ర శుద్ధ సప్తమినాడు మృగశిర నక్షత్రము ఆదివారం లేదా బుధవారం లేదా మంగళవారం నాడు వచ్చినచో తులసిని బంగారుపూలతో అర్చించాలి. ఈ విధంగా చేసినచో అనంత సంపదలు కలుగుతాయి.
లక్ష్మీనారాయణ పుజ్యే శయ్యాయాం స్థాప్య మానవ:
చైత్ర మాసే సితే తత్ర సప్తమ్యాం భక్తి సంయుత:
ధూప దీపై: తధా పుష్ప మాలికాభి: సుగంధిభి:
సంపూజ్య శయ్యాం లక్ష్మీనారాయణ యుతాంన ర:
బ్రాహ్మణాయ ప్రదాతవ్యం ఛత్రోపానహకంబలాన్‌
నిత్య సౌభాగ్య సద్విద్యాదా యాత్స ధన ధాన్యవాన్‌
లభతే కామితం సర్వందేవ దేవ ప్రసాదత:
అనునది విష్ణుధర్మోత్తర పురాణ వచనము. చక్కని శయ్యను సిద్ధము చేసి విభవానుసారముగా లక్ష్మీనారాయణుల ప్రతిమలను బంగారం, వెండి, రాగి, ఇత్తడి తో చేయించి ధూప దీప పుష్పమాలాదులతో చక్కగా పూజించి, సద్భ్రాహ్మణునికి శయ్యను ఆ ప్రతిమలతో దానము చేయవలెను. అలాగే ఛత్రము, పాదరక్షలను, శాలువను దానము చేయవలెను. యధా శక్తి దక్షిణను ఈయవలెను. ఈవిధంగా చేసిన నిత్య సౌభాగ్యము, సద్విద్య, చక్కని దాంపత్యము, ధనధాన్యములు, కోరిన అన్ని కోరికలు శ్రీహరి ప్రసాదించును.
శ్రీమాన్‌ డాక్టర్‌ కండాడై రామానుజాచార్యులు…
వాయిస్‌ ఓవర్‌ : గూడూరు శ్రీలక్ష్మి