తిరుమలలో భక్తుల రద్దీ.. శ్రీ‌వారి ద‌ర్శ‌నానికి 12 గంట‌ల స‌మ‌యం

క‌లియుగ ప్ర‌త్య‌క్ష దైవ‌మైన శ్రీ వేంక‌టేశ్వ‌ర స్వామి ద‌ర్శ‌నానికి తిరుమలలో భక్తుల రద్దీ కొనసాగుతోంది. శ్రీవారి దర్శనం కోసం భక్తులు బారులు తీరారు. 17 కంపార్ట్‎మెంట్లలో భక్తులు వేచివున్నారు. స్వామివారి సర్వదర్శనానికి 12 గంటల సమయం పడుతుంది. శనివారం శ్రీవారి హుండీ ఆదాయం రూ.3.44 కోట్లు వచ్చినట్లు ఆలయ అధికారులు వెల్లడించారు. శనివారం శ్రీవారిని 77,855 మంది భక్తులు దర్శించుకుని మొక్కులు చెల్లించుకున్నారు. 28,925 మంది భక్తులు స్వామివారికి తలనీలాలు సమర్పించారు.