తిరుమల, ప్రభన్యూస్‌: తిరుమలలో ఈనెల 27 నుంచి అక్టోబర్‌ 5 వరకు జరగనున్న శ్రీవారి బ్రహ్మోత్సవాల్లో ‘టీటీడీ ఉచితంగా భక్తులకు అన్నప్రసాద వితరణ చేయనుంది. అన్నదానం పేరిట ప్రైవేటు సంస్థలు, వ్యక్తులు విరాళాలు అడిగితే ఇవ్వవద్దని టీటీడీ ఈ మేర‌కు భక్తులకు విజ్ఞప్తి చేసింది. బ్రహ్మోత్సవాల సందర్భంగా తిరుమలలో అన్నదానం చేస్తామంటూ సికింద్రాబాద్‌కు చెందిన అనంత గోవిందదాస ట్రస్టు భక్తుల నుంచి విరాళాలు కోరడాన్ని టీటీడీ గుర్తించిన‌ట్టు తెలిపింది.
ఇందుకోసం బ్యాంక్‌ అకౌంట్ నెంబరును కూడా సదసు ట్రస్టు అందుబాటులో ఉంచింద‌ని, ఈ ట్రస్టుతో టీటీడీకి ఎలాంటి సంబంధం లేదని అధికారులు తెలిపారు. ఇలాంటి సంస్థలు, వ్యక్తుల మాటలు నమ్మవద్దని భక్తులకు టీటీడీ విజ్ఞప్తి చేసింది. అక్రమంగా విరాళాలు సేకరించే ఇలాంటి ట్రస్టుల పై చట్టపరంగా చర్యలు తీసుకుంటామని టీటీడీ పేర్కొంది.