రాగం : యాదకుల కాంభోజి
రావే కోడల రట్టడి కోడలా
పోవే పోవే అత్తయ్యా పొందులు నీతో చాలును || ||రావే కోడల||
రంకెలు వేయుచు రాజలెదుట నీవు
పొంకు కొసరులేని కోడలా
పంకజ ముఖినీవు పల్లుదొడ్ల వారింట్ల
అంకెల తిరిగేవు అత్తయ్యా || ||రావే కోడల||
యీడాడ నలుగురినీ గురుమగలతో
కూడి సిగ్గులేని కోడలా
వాడకు పదుగురి వలపించుకొని నీవు
ఆడడ తిరిగేవు అత్తయ్యా || ||రావే కోడల||
బొడ్డున బుట్టి బూపనికే నిను
గోడ్డేరు తెస్తినే కోడలా
గుడ్డము పై నున్న కోనేరాయుని
అడ్డగించు కొంటి వత్తయ్యా || ||రావే కోడల||