రాగం : మిశ్రమలహరి
అప్పులేని సంసారము
అప్పులేని సంసారము పాటేచాలు ||అప్పులేని సంసారము||
కంతలేని గుడిశొక్క గంపంతయినచాలు
చింతలేని అంబలొక్క చేరెడుచాలు
జంతగాని తరుణి యేజాతైననదెచాలు
వింతలేని సంపదొక్క వీసమైన చాలు ||అప్పులేని సంసారము||
తిట్టులేని బతుకొక్క దినమైనన దెచాలు
ముట్టలేని కూడొక్క ముద్దేచాలు
గట్టుచెడి మనకంటే కొంచెము మేలైన చాలు
వట్టిజాలి బడకుంటే వచ్చినంత చాలు ||అప్పులేని సంసారము||
లంపటపడని మేలు లవలేశమేచాలు
రొంపికంబ మోకంటే రోయుటే చాలు
రంపపు కోరిక కంటే రతి శ్రీవేంకటపతి
పంపుననాతని కంటే భవమేచాలు ||అప్పులేని సంసారము||