రాగం – శ్రీరాగం
ప|| పిడికిట తలంబ్రాల పెండ్లి కూతురు, కొంత
పెడమరలి నవ్వీనె పెండ్లి కూతురు || పిడికిట ||
చ|| పేరుకల జవరాలె పెండ్లి కూతురు పెద్ద
పేరుల ముత్యాల మెడ పెండ్లికూతురు
పేరంటాడ్ల నడిమి పెండ్లికూతురు విభు
పేరుకుచ్చ సిగ్గుపడీ పెండ్లికూతురు || పిడికిట ||
చ|| బిరుదు పెండెము వెట్టె పెండ్లికూతురు నెర
బిరుదు మగని కంటె పెండ్లికూతురు
పిరిదూరి నప్పుడే పెండ్లి కూతురు పతి
పెరరేచీ నిదిలో పెండ్లికూతురు || పిడికిట ||
చ|| పెట్టెనే పెద్ద తురుము పెండ్లికూతరు నేడె
పెట్టెడు చీరలు గట్టె పెండ్లికూతురు
గట్టిగ శ్రీ వేంకటపతి కౌగిటను వడి
వెట్టిన నిదానమైన పెండ్లికూతురు || పిడికిట ||