శ్రీ వేంకటేశ ప్రపత్తి:

1. ఈశానాం జగతోస్య వేంకటపతే – ర్విష్ణో: పరాం ప్రేయసీం |
తద్వక్షస్థ్సలనిత్యవాసరసికాం – తత్‌ క్షాంతిసంవర్ధినీమ్‌ |
పద్మాలంకృతపాణిపల్లవయుగాం – పద్మాసనస్థాం శ్రియం |
వాత్సల్యాది గుణోజ్జ్వలాం భగవతీం – వందే జగన్మాతరమ్‌.
2. శ్రీమాన్‌ ! కృపాజలనిధే ! కృతసర్వలోక !
సర్వజ్ఞ ! శక్త ! నతవత్సల ! సర్వశేషిన్‌ !
స్వామిన్‌ ! సుశీలసులభా శ్రితపారిజాత !
శ్రీ వేంకటేశచర ణౌ శరణం ప్రపద్యే.
3. ఆనూపురార్చితసుజాతసుగంధిపుష్ప
సౌరభ్యసౌరభకరౌ సమసన్ని వేశౌ|
సౌమ్యౌ సదానుభవనే పి నవానుభావ్యౌ
శ్రీ వేంకటేశచరణౌ శరణం ప్రపద్యే
4. సద్యోవికాసిసముదిత్వరసాంద్రరాగ
సౌరభ్యనిర్భరసరోరుహసామ్యవార్తామ్‌ |
సమ్యక్షు సహసపదేషు విలేఖయంతౌ |
శ్రీ వేంకటేశచరణౌ శరణం ప్రపద్యే.
5. రేఖామయధ్వజసుధాకలశాతపత్ర-
వజ్రాంకుశాంబురుహకల్ప కశంఖచక్రై:
భవ్యై రలంకృతతలౌ పరతత్త్వచిహ్నై: |
శ్రీ వేంకటేశచరణౌ శరణం ప్రపద్యే.
6. తామ్రోదరద్యుతిపరాజితపద్మరాగౌ |
బాహ్యైర్మహోభి రభిభూతమహేంద్రనీలౌ|
ఉద్యన్నఖాంశుభి రుదస్త శశాంకభాసౌ |
శ్రీ వేంకటేశచరణౌ శరణం ప్రపద్యే.
7. సప్రేమభీతి కమలాకరపల్లవాభ్యాం |
సంవాహనేపి సపది క్లమ మాదధానౌ |
కాన్తా వవాఙ్మ నసగోచరసౌకుమార్యౌ |
శ్రీ వేంకటేశచరణౌ శరణం ప్రపద్యే.
8. లక్ష్మీమహీతదనురూపనిజానుభావ
నీళాదిదివ్య మహిషీకరపల్లవానామ్‌ |
ఆరుణ్యసంక్రమణత: కిలసాంద్రరాగౌ |
శ్రీ వేంకటేశచరణౌ శరణం ప్రపద్యే.
9. నిత్యనమద్విధిశివాదికిరీటకోటి |
ప్రత్యుప్తదీప్తనవరత్నమహ:ప్రరోహై: |
నిరాజనావిధి ముదార ముపారధానౌ |
శ్రీ వేంకటేశచరణౌ శరణం ప్రపద్యే.
10. విష్ణు: పదే పరమ ఇత్యుదితప్రశంసౌ |
¸° మధ ్వఉత్స ఇతి భోగ్యతయా ప్యుపాత్తౌ
భూయ స్తథేతి తవ పాణితలప్రదిష్టౌ |
శ్రీ వేంకటేశచరణౌ శరణం ప్రపద్యే.
11. పార్థాయ తత్సదృశసారథినా త్వయైవ |
¸° దర్శితౌ స్వచరణౌ శరణం వ్రజేతి |
భూయో పి మహ్య మిహ తౌ కరదర్శితౌ తే |
శ్రీ వేంకటేశచరణౌ శరణం ప్రపద్యే.
12. మన్మూర్థ్ని కాళియఫణ వికటాటవీషు |
శ్రీ వేంకటాద్రిశిఖరేశిరసి శ్రుతీనామ్‌ |
చిత్తే ప్యనన్య మనసాం సమ మాహితౌ తే |
శ్రీ వేంకటేశచరణౌ శరణం ప్రపద్యే.
13. ఆవ్లూనహృష్యదవనీతలకీర్ణపుష్పౌ |
శ్రీ వేంకటాద్రి శిఖరాభరణాయమానౌ |
ఆనందితాఖిలమనోనయనౌ తవైతౌ |
శ్రీ వేంకటేశచరణౌ శరణం ప్రపద్యే.
14. ప్రాయ: ప్రసన్నజనతాప్రథమావగాహ్యౌ |
మాతు: స్తనా వివ శిశోరమృతాయమానౌ |
ప్రాప్తౌ పరస్పరతులా మతులాంతరౌ తే |
శ్రీ వేంకటేశచరణౌ శరణం ప్రపద్యే.
15. సత్త్వోత్తరై స్సతతసేవ్యపదాంబుజేన |
సంసారతారకదయార్ధ్రదృగంచలేన |
సౌమ్యోపయంతృమునినా మమ దర్శితౌ తే |
శ్రీ వేంకటేశచరణౌ శరణం ప్రపద్యే.
16. శ్రీ శ! శ్రియా ఘటికాయ త్వదుపాయభావే |
ప్రాప్యే త్వయ స్వయ ముపాయతయా స్ఫురంత్యా |
నిత్యా శ్రితాయ నిరపద్య గుణాయ తుభ్యం |
స్యాం కింకరో వృషగిరీశ ! న జాతు మహ్యమ్‌.