రాగం : మధ్యమావతి
వేదములే నీ నివాసమట
(పెద తిరుమలాచార్య రచన)
వేదములే నీ నివాసమట విమల నారసింహ
నాదప్రియా సకలలోకపతి నమో నమో నరసింహా || వేదములే నీ నివాసమట ||
ఘోరపాతక నిరుహరణ కుటిలదైత్యదమన
నారాయణ రమాధినాయక నగధర నరసింహా
నీ రూపము ఇంత అంతయని నిజము తెలియరాదు
ఈ రీతి త్రిక్రమాకృతి నేచితి నరసింహ || వేదములే నీ నివాసమట ||
గోవింద గుణగణరహిత కోటి సూర్యతేజ
శ్రీ వల్లభ పురాణపురుష శిఖనఖ నరసింహ
దేవా మిము బ్రహ్మాదులకును తెలియనలవికాదు
భావించగ ప్రహ్లాదు నెదుట పరగితి నరసింహ || వేదములే నీ నివాసమట ||
దాసపరికర సులభ తపన చంద్రనేత్ర
వాసవ సురముఖము మునిసేవిత వందిత నరసింహ
భాసురముగ శ్రీ వేంకటగిరిని పాయనిదైవమ వటుగాన
ఓసరకిపుడు ఏగితివిట్ల అహోబల నరసింహ || వేదములే నీ నివాసమట ||