వాడల వాడల వెంట వసంతము
జాడతో చల్లేరు నీపై జాజర జాజర జాజ || వాడల వాడల వెంట ||
కలికి నవ్వులె నీకు కప్పుర వసంతము
వలచూపు కలువల వసంతము
కులికి మాటాడినదె కుంకుమ వసంతము
చలమున చల్లె నీపై జాజర జాజర జాజ || వాడల వాడల వెంట ||
కామిని జంకెన నీకు కస్తూరివసంతము
వాముల మోహపు నీటి వసంతము
బూమెల సరసముల పుప్పొడి వసంతము
సామజ గురుడ నీపై జాజార జాజర జాజ || వాడల వాడల వెంట ||
అంగన అధరమిచ్చే అమృత వసంతము
సంగడి శ్రీవేంకటేశ సతిగూడితి
ముంగిటి రతి చెమట ముత్తేలవసంతము
సంగతాయెనిద్దరికి జాజర జాజర జాజ || వాడల వాడల వెంట ||