రాగం : మధ్యమావతి
ప|| అందరికాధారమైన ఆదిపురుషుడీతడు
విందైమున్నారగించె విదురునికడ నీతడు
చ|| సనకాదులు కొనియాడెడి సర్వాత్మకుడీతడు
వనజభవాదులకును దైవంబైనతడీతడు
యినమండలమున చెలగే హితవైభవుడీతడు
మునుపుట్టిన దేవతలకు మూలభూతి యీతడు
చ|| సిరులొసగి యశోదయింట శిశువైన తడీతడు
ధరనావుల మందలలో తగచరించె నీతడు
సరసతలను గొల్లెతలకు జనపులొసగె నీతడు
అరసి కుచేలుని అటుకులు ఆరగించె నీతడు
చ|| పంకజభవునకు బ్రహ్మ పదమొసగెను యీతడు
సంకీర్తనాద్యులచే జట్టిగొనియె నీతడు
తెంకిక నేకాలము పరదేవుడైన యీతడు
వేంకటగిరి మీద ప్రభల వెలసినఘను డీతడు