కోలీవుడ్ ఫిల్మ్ ఇండస్ట్రీలోని సంచలన దర్శకుల్లో వెట్రిమాన్ ఒకరు. వడ చెన్నై, అసురన్ వంటి స‌క్సెస్ ఫుల్ మూవీస్ తీసిన అతను ‘విడుతలై’ అనే కొత్త మూవీతో వస్తున్నాడు. పీరియాడికల్ క్రైమ్ థ్రిల్లర్ జోన‌ర్ లో తెర‌కెక్కిన ఈ మూవీ ఫ్రాంచైజీ నుంచి మొదటి భాగం ఈ నెల చివరిన (మార్చి 31న) థియేటర్‌లలో గ్రాండ్‌గా రిలీజ్ కానుంది.
ఈ సినిమా నుంచి ఈ మధ్యనే విడుదల అయిన ప్రమోషనల్ పిక్స్, ట్రైలర్ వంటివి సినిమాపై ప్రేక్ష‌కుల్లో భారీ అంచనాలను క్రియేట్ చేశాయి. కాగా, సూరి, విజయ్ సేతుపతి ప్రధాన పాత్రలలో నటించిన ఈ మూవీ పోస్ట్ థియేట్రిక‌ల్ డిజిటల్ స్ట్రీమింగ్ హక్కులు ఓటీటీ ప్లాట్‌ఫారమ్ ZEE–5 భారీ ధరకు ద‌క్కించుకున్నట్టు తెలుస్తోంది.
ఈ మూవీలో గౌతమ్ వాసుదేవ్ మీనన్, శరవణ సుబ్బయ్య, భవానిశ్రీ వంటివారు కీలక రోల్స్లో నటిస్తున్నారు. మాస్ట్రో ఇళయరాజా సంగీతం అందించిన ఈ సినిమాకి ఆర్ఎస్ ఇన్ఫోటైన్‌మెంట్ & గ్రాస్ రూట్ ఫిల్మ్ కంపెనీ సంయుక్తంగా నిర్మించాయి.