కొరటాల శివ దర్శకత్వంలో.. యంగ్ టైగ‌ర్ ఎన్టీఆర్ హీరోగా రూపొందిస్తున్న భారీ పాన్‌ ఇండియా మూవీ ‘దేవర’. కాగా, జన‌తా గ్యారేజ్ వంటి బ్లాక్ బ‌స్ట‌ర్ త‌ర్వాత కొరటాల శివ – తారక్ కాంబోలో ఈ సినిమా రానుండ‌టంతో ఈ సినిమాపై భారీ అంచ‌నాలు ఉన్నాయి.
అయితే ఈ సినిమాను ద‌స‌రా కానుక‌గా అక్టోబ‌ర్ 10న విడుద‌ల చేయ‌నున్న‌ట్లు మేకర్స్ మొదట ప్ర‌క‌టించగా… తాజాగా ఈ సినిమాను రెండు వారాలు ముందుగానే తీసుకోస్తున్న‌ట్లు మేకర్స్ ప్ర‌క‌టించారు. ఈ సినిమాని సెప్టెంబర్ 27న విడుద‌ల చేయ‌నున్న‌ట్లు ప్రకటిస్తూ కొత్త పోస్ట‌ర్‌ను విడుద‌ల చేశారు.
ఇక రెండు భాగాలుగా తెరకెక్కిస్తున్న ఈ సినిమాలో బాలీవుడ్ బ్యూటీ జాన్వీకపూర్ హీరోయిన్‌గా నటిస్తుండగా, సైఫ్‌అలీఖాన్ విల‌న్‌ పాత్రలో కనిపించనున్నారు. ఎన్టీఆర్ ఆర్ట్స్, యువ సుధ ఆర్ట్స్ పతాకాలపై సుధాకర్‌, హరికృష్ణ కె ఈ సినిమాని నిర్మిస్తున్నారు. అనిరుధ్‌ రవిచందర్‌ స్వరకర్త.