ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి పాదయాత్ర, ఆయన జీవితంలోని కీలక ఘట్టాలను యాత్ర 2 (Yatra 2) రూపంలో వెండితెరపై ఆవిష్కృతం చేయబోతున్నారు. గత కొంతకాలంగా ఈ సినిమాకు సంబంధించి వస్తున్న అప్ డేట్స్ ప్రేక్షకుల్లో క్యూరియాసిటీ పెంచుతుండగా.. తాజాగా ఈ మూవీ టీజక్‌కి రిలీజ్‌కి డేట్ ఫిక్స్ చేశారు మేకర్స్. జనవరి 5వ తేదీ ఉదయం 11 గంటలకు ఈ టీజర్ రిలీజ్ చేస్తున్నట్లు మేకర్స్ తెలిపారు. ఈ మేరకు విడుదల చేసిన పోస్టర్ వైరల్ అవుతోంది.
త్రీ ఆట‌మ్ లీవ్స్‌, వీ సెల్యూలాయిడ్, శివ మేక సంయుక్తంగా ఈ సినిమాను నిర్మిస్తున్నాయి. ఈ మూవీలో వై.ఎస్‌.రాజ‌శేఖ‌ర్ రెడ్డి పాత్రలో మ‌ల‌యాళం సూపర్ స్టార్ మ‌మ్ముట్టి, వై.ఎస్‌.జగన్ పాత్రలో కోలీవుడ్ స్టార్ జీవా న‌టిస్తున్నారు. ఇక ఈ సినిమాలో సోనియా గాందీ పాత్రలో జ‌ర్మ‌నీ న‌టి సుజానే బెర్నెర్ట్ పోషిస్తున్నారు. రీసెంట్ గా ఆమెకు సంబంధించిన లుక్ పోస్టర్ వదలగా సూపర్ రెస్పాన్స్ వచ్చింది. ఇక ఇప్పుడు చిత్ర ప్రమోషన్స్ లో భాగంగా టీజర్ రిలీజ్ చేస్తున్నారు.