గంగోత్రి సినిమా తో తెలుగు ఇండస్ట్రీకి హీరోగా పరిచయమయ్యాడు అల్లు అర్జున్. ఆ తర్వాత సినిమా సినిమాకు అభిమానులకు కొత్తదనాన్ని చూపిస్తూ స్టైలిష్ స్టార్ గా ఎదిగాడు. పాత్రకు తగ్గట్టు బాడీ షేపులను, హెయిర్ స్టైల్స్ ను మారుస్తూ యూత్ లో మంచి క్రేజ్ ని ఫ్యాన్ ఫాలోయింగ్ ని సంపాదించుకున్నాడు. అయితే ప్రస్తుతం స్టైలిష్ స్టార్ అల్లు అర్జున్ సుకుమార్ దర్శకత్వంలో పుష్ప సినిమా చేస్తున్నాడు.
కాగా అల్లు అర్జున్ పుట్టిన రోజు సందర్భంగా ఈ సినిమాకు సంబంధించిన టీజర్ ను చిత్ర యూనిట్ రిలీజ్ చేసింది. అలాగే బుధవారం ఫస్ట్ మీట్ ని కూడా ఏర్పాటు చేసింది. ఆ మీట్ లో స్టైలిష్ స్టార్ అల్లు అర్జున్ కు కొత్తగా ఐకాన్ స్టార్ అని పేరు పెట్టారు. ఇక ఇదే విషయమై సోషల్ మీడియాలో నెటిజన్లు ఫ్యాన్స్ రకరకాలుగా చర్చించుకుంటున్నారు.
కొంతమంది అవసరమా అంటుంటే మరికొంతమంది కొంచెం అతిగా ఉన్నట్లు ఉందంటూ మాట్లాడుకుంటున్నారు. మరికొంతమంది అయితే చాలా బాగుందంటూ ప్రశంసిస్తున్నారు. ఇదిలా ఉండగా మరి కొంతమంది సినీ అభిమానులు అప్పట్లో ఎన్టీఆర్ ని ఏ1 స్టార్ అని పెట్టారు… ఇప్పుడు ఐకాన్ స్టార్ అని అల్లు అర్జున్ కి పెడుతున్నారు. కానీ ఇది అయ్యే పని కాదని అంటున్నారు. ఏదేమైనా స్టైలిష్ స్టార్ కి అలవాటు పడ్డ జనం ఐకాన్ స్టార్ గా రిసీవ్ చేసుకుంటారో లేదో తెలియాలంటే కొన్నాళ్ళు ఆగాల్సిందే.