నందమూరి బాలకృష్ణ హీరోగా…. యాక్షన్ డైరెక్టర్ బోయపాటి శ్రీను దర్శకత్వంలో తెరకెక్కుతున్న చిత్రం అఖండ. ఈ ఇద్దరి కాంబినేషన్ లో వచ్చిన సింహా, లెజెండ్ చిత్రాల తర్వాత భారీ అంచనాల మధ్య తెరకెక్కుతున్న ఈ చిత్రంలో బాలయ్య ద్విపాత్రాభినయం చేస్తున్నాడు. అలాగే ఈ సినిమాలో పూర్ణ, ప్రగ్యా జైస్వాల్ హీరోయిన్ గా నటిస్తోంది.
ఇదిలా ఉండగా ఈ సినిమాకు సంబంధించిన ఫస్ట్ సింగిల్ కోసం ఫ్యాన్స్ ఎప్పటినుంచో ఎదురుచూస్తున్నారు. కాగా ఆ సాంగ్ మే 28 న రిలీజ్ కానుందని ఓ వార్త సోషల్ మీడియాలో వైరల్ అవుతోంది. కానీ ఆ సమయం దగ్గర పడుతున్నా దానిపై ఇంకా క్లారిటీ రాలేదు. దీంతో ఈ సాంగ్ వస్తుందా లేదా అనేది ప్రశ్నగా మారింది. కాగా ఈ సినిమాకు సంగీతం ఎస్.ఎస్.తమన్ అందిస్తున్న సంగతి తెలిసిందే.