విరూపాక్ష సీరియ‌స్ హ‌ర్ర‌ర్ మూవీ.. సాయిధ‌ర‌మ్ తేజ్

విరూపాక్ష సీరియ‌స్ హ‌ర్ర‌ర్ మూవీ అని తెలిపారు హీరో సాయి ధ‌ర‌మ్ తేజ్. కార్తీక్ వర్మ దండు ఈ చిత్రాన్ని తెర‌కెక్కిస్తున్నాడు. బీవీఎస్ఎన్ ప్రసాద్ – సుకుమార్ కలిసి నిర్మించిన ఈ సినిమా, ఈ నెల 21వ తేదీన ప్రేక్షకుల ముందుకు రానుంది. ఈ మూవీ ప్ర‌మోష‌న్ లో పాల్గొన్నారు సాయి ధ‌ర‌మ్ తేజ్.. సంయుక్త మీన‌న్. సాయితేజ్ మాట్లాడుతూ .. ఈ మధ్య కాలంలో అందరూ హారర్.. కామెడీ సినిమాలు ఎక్కువగా చేస్తున్నారు. అందుకు భిన్నంగా ‘విరూపాక్ష’ సీరియస్ హారర్ మూవీగా నడుస్తుంది. ఈ హారర్ వెనుక థ్రిల్లింగ్ ఎక్కువగా ఉంటుంది. సుకుమార్ స్క్రీన్ ప్లే మ్యాజిక్ చేస్తుంది. ఎక్కడ కూడా బోర్ కొట్టద‌న్నారు. త‌న‌కు హారర్ సినిమాలంటే భయం .. కానీ సస్పెన్స్ తో కూడిన హారర్ సినిమాలను ఇష్టపడతానరంరాకె. నైట్ ఎఫెక్టులో షూటింగు ఉంటే ద‌ర్శ‌కుడు కార్తీక్ ముందుగానే త‌న‌ని ప్రిపేర్ చేసేవాడ‌ని చెప్పారు. ఈ కథ 1989 .. 90ల్లో జరుగుతుంది. ఈ సినిమా చూస్తుంటే ఆ కాలంలోకి వెళ్లిపోతాం. అంత బాగా ఆర్ట్ డైరెక్టర్ నాగేంద్ర సెట్ వేశార‌న్నారు.