దేశంలో కరోనా మహమ్మారి వ్యాప్తి ఇంకా కొనసాగుతోంది. ఈ మహమ్మారి వ్యాప్తిని నివారించడానికి రాష్ట్ర ప్రభుత్వాలు ఎక్కడికక్కడే లాక్ డౌన్ లను విదిస్తున్నాయి. దీంతో చాలావరకు సినిమాలు ఓటీటీ లో రిలీజ్ కి సిద్ధంగా అవుతున్నాయి. మరికొన్ని సినిమాలు పోస్ట్ ప్రొడక్షన్, ప్రీ ప్రొడక్షన్ పనులతో నిలిచిపోయాయి. ఇక తాజాగా విజయ్ సేతుపతి నటించిన కడైసీ వ్యవసాయి కూడా ఓటీటీ లో రిలీజ్ అయ్యే ఎందుకు సిద్ధమవుతోంది.
కడైసీ వ్యవసాయి అంటే చివరి రైతు అని అర్థం. ఈ సినిమా త్వరలో సోనీ లివ్ ఓటీటీ లో స్ట్రీమింగ్ కాబోతోంది. థియేటర్స్ ఇప్పుడప్పుడే ఓపెన్ అయ్యే పరిస్థితి కనిపించడం లేదు. దీంతో ఈ సినిమాని ఓటీటీ లో రిలీజ్ చేయాలని చిత్ర దర్శక నిర్మాతలు డిసైడ్ అయ్యారట. ఈ సినిమాకు మణికందన్ దర్శకత్వం వహించారు. అలాగే మాస్ట్రో ఇళయరాజా సంగీతం అందించారు. మరి ఈ సినిమా ప్రేక్షకుల్ని ఏ మేరకు ఆకట్టుకుంటుందో చూడాలి.