దిల్ రాజు బ్యాన‌ర్ లోనే నా రెండో సినిమా.. వేణు

బ‌ల‌గం చిత్రంతో మెగా ఫోన్ ప‌ట్టాడు క‌మెడియ‌న్ వేణు. నిర్మాత‌ దిల్ రాజు బ్యానర్ లో వచ్చిన ఈ చిత్రం సంచలన విజయాన్ని అందుకుంది.ప్రస్తుతం బలగం సక్సెస్ ను పూర్తిగా ఎంజాయ్ చేస్తున్నానని చెప్పిన వేణు నటుడిగానూ కొనసాగుతానని స్పష్టం చేశారు. తెలంగాణ సంస్కృతి, పల్లె వాతావరణం, ప్రజల మానవ సంబంధాల గురించి అద్భుతంగా తెరకెక్కించిన వేణు అందరినీ ఆశ్చర్య పరిచారు. ఈ భారీ హిట్ తర్వాత వేణు తదుపరి సినిమాపై గురించి అప్పుడే చర్చ మొదలైంది. దీనిపై స్పందించిన వేణు తన రెండో సినిమా కచ్చితంగా దిల్ రాజు బ్యానర్ లోనే ఉంటుందని స్పష్టం చేశారు. ఇప్పటికే రాజుకు ఓ కథ కూడా చెప్పానన్నారు. దానికి దిల్ రాజు కొన్ని సూచనలు చేశారన్నారు. అవి తనకు కొత్త కిక్ ఇచ్చాయని తెలిపారు. రాజు సూచనలకు అనుగుణంగా కథను తీర్చిదిద్దుతానని చెప్పారు.