రవితేజ కెరీర్‌‌లో ల్యాండ్ మార్క్ గా నిల్చిన ‘వెంకీ’ సినిమా ఈ డిసెంబర్ 30న రేపు రీరిలీజ్ కానుంది. 2004లో విడుదలైన ఈ మూవీ ఇప్పటికీ యూత్ను ఆకట్టుకుని నెట్టింట మీమ్స్‌ రూపంలో ట్రెండ్ అవుతూనే ఉంటుంది. కాగా, రీ-రిలీజ్ సంద‌ర్భంగా మూవీ షూటింగ్ రోజుల‌ను గుర్తు చేసుకుంటూ మూవీ ద‌ర్శ‌కుడు శ్రీను వైట్ల ఒక స్పెష‌ల్ వీడియో పోస్ట్ చేశాడు.
”నా వెంకీ సినిమా రీ-రిలీజ్ అవ్వ‌డం చాలా చాలా హ్యాపిగా ఉంది. ఎందుకంటే వెంకీ నాకు చాలా ఇష్ట‌మైన సినిమా. వెంకీ సినిమా ఎప్పుడు గుర్తొచ్చినా నాకు నవ్వొస్తుంటుంది. దాని షూటింగ్ మొత్తం కూడా మేము సరదాగానే చేశాం. ఈ సినిమా అంతా బాగా, రియలిస్టిక్‌గా రావడానికి ముఖ్య కార‌ణం రవితేజ.. తాను నా మీద ఉంచిన న‌మ్మ‌కం వ‌ల‌నే ఆ సినిమా అలా తీయ‌గ‌లిగాను. మూవీ వ‌చ్చి ఇన్ని ఇయ‌ర్స్ అయిన దానికి ఉన్న రెస్పాన్స్ చూస్తుంటే చాలా షాకింగ్‌గా ఉంది. ఈ సినిమాను ప్రేక్ష‌కుల ఎంత ఓన్ చేసుకున్నారంటే నిజంగా వారికి రుణ‌ప‌డి ఉంటాను అంటూ” శ్రీను వైట్ల చెప్పుకోచ్చాడు. కాగా ప్ర‌స్తుతం ఈ వీడియో సామజిక వేదిక‌ల్లో వైర‌ల్ అవుతుంది.