వరుణ్‌ తేజ్‌ నటిస్తున్న ఎయిర్‌ ఫోర్స్‌ నేపథ్య చిత్రానికి టైటిల్‌ ప్రకటించారు. అలాగే విడుదల తేదీని సైతం వెల్లడించారు. వాస్తవ సంఘటనల స్ఫూర్తితో, భారత వైమానిక దళ ధైర్య సాహసాలని చూపే ఈ చిత్రానికి ‘ఆపరేషన్‌ వాలెం-టైన్‌’ అనే ఆసక్తికరమైన -టైటిల్‌ ఖరారు చేశారు. డిసెంబర్‌ 8, 2023న ఈ సినిమా విడుదల చేస్తామని ప్రకటించారు.
హిందీ, తెలుగులో విడుదలవుతున్న ఈ విజువల్‌ వండర్‌ తో వరుణ్‌ తేజ్‌ బాలీవుడ్‌ అరంగేట్రం చేస్తున్నారు. ఇందులో ఇండియన్‌ ఎయిర్‌ ఫోర్స్‌ పైలట్‌ పాత్ర పోషిస్తున్నారు. రాడార్‌ ఆఫీసర్‌ పాత్రలో మానుషి చిల్లర్‌ కనిపించనుంది.
ఆపరేషన్‌ వాలెం-టైన్‌ దేశభక్తి, ఎడ్జ్‌ ఆఫ్‌ ది సీట్‌ ఎంటర్‌-టైనర్‌. ఫ్రంట్‌ లైన్‌ లో వున్న వైమానిక దళ వీరుల అలుపెరగని స్ఫూర్తిని, మునుపెన్నడూ చూడని పోరాటాన్ని, వైమానిక దాడులలో వారు ఎదుర్కొన్న సవాళ్లను చూపనుంది.
ఈ చిత్రాన్ని సందీప్‌ ముద్దా నిర్మిస్తున్నారు. నందకుమార్‌ అబ్బినేని సహ నిర్మాతగా వ్యవహరిస్తున్నారు. అనుభవజ్ఞుడైన యాడ్‌-ఫిల్మ్‌ మేకర్‌, సినిమాటోగ్రాఫర్‌ , శక్తి ప్రతాప్‌ సింగ్‌ హడా ఈ సినిమాతో దర్శకుడిగా పరిచయం అవుతున్నారు