వేణు శ్రీరామ్ దర్శకత్వంలో పవర్ స్టార్ పవన్ కళ్యాణ్ హీరోగా ఏప్రిల్ 9న ప్రేక్షకుల ముందుకు వచ్చిన చిత్రం వకీల్ సాబ్. లాంగ్ గ్యాప్ తర్వాత పవన్ కళ్యాణ్ హీరోగా తెరకెక్కుతున్న సినిమా కావడంతో ఈ సినిమాపై భారీ అంచనాలు నెలకొన్నాయి. ఆ అంచనాలకు తగ్గట్టుగానే వకీల్ సాబ్ సినిమా ప్రేక్షకులకు రీచ్ అయింది. ఇక బాలీవుడ్ లో అమితాబ్ నటించిన పింక్ సినిమాకు రీమేక్ గా ఈ చిత్రం తెరకెక్కిన సంగతి తెలిసిందే.
ఈ సినిమాలో పవన్ కళ్యాణ్ సరసన శృతి హాసన్ హీరోయిన్ గా నటించింది. అలాగే అంజలి, అనన్య, నివేద థామస్ కీలకపాత్రలు పోషించారు. ఇదిలా ఉండగా తాజాగా ఈ సినిమాకు సంబంధించిన కంటిపాప ఫుల్ వీడియో సాంగ్ చిత్ర యూనిట్ రిలీజ్ చేసింది. రామజోగయ్యశాస్త్రి లిరిక్స్ అందించిన ఈ పాటకు ఎస్.ఎస్ తమన్ సంగీతం అందించారు. అలాగే ప్రస్తుతం వకీల్ సాబ్ సినిమా అమెజాన్ ప్రైమ్ స్ట్రీమ్ అవుతున్న సంగతి తెలిసిందే.
