పవర్ స్టార్ పవన్ కళ్యాణ్ హీరోగా క్రిష్ దర్శకత్వంలో తెరకెక్కుతున్న చిత్రం హరి హరవీరమల్లు. భారీ అంచనాల మధ్య తెరకెక్కుతున్న ఈ సినిమాలో నిధి అగర్వాల్ హీరోయిన్ గా నటిస్తోంది. ఇప్పటికే ఈ సినిమాకు సంబంధించి విడుదలైన లుక్స్ ప్రేక్షకులను విశేషంగా ఆకట్టుకున్నాయి. పీరియాడికల్ డ్రామాగా తెరకెక్కుతున్న ఈ సినిమా ఇప్పటికే సగభాగం షూటింగ్ పూర్తి చేసుకుంది.
మిగిలిన షూటింగ్ కి త్వరలోనే స్టార్ట్ చేయనున్నారు. కాగా ఈ సినిమా పై హీరోయిన్ నిధి అగర్వాల్ కొన్ని ఇంట్రెస్టింగ్ కామెంట్స్ చేసింది. దర్శకుడు క్రిష్ హరి హరి వీరమల్లు సినిమాని మైండ్ బ్లోయింగ్ గా తెరకెక్కిస్తున్నారని… ప్రతి ఒక్క పని కూడా చాలా నైస్ గా వర్కౌట్ చేస్తున్నారని చెప్పారు. ఈ సినిమా కోసం ఎదురుచూస్తున్న పవన్ అభిమానులకు నిధి అగర్వాల్ మాటలు మరింత ఉత్సాహాన్ని పెంచాయి. ఇక ఈ సినిమాకు కీరవాణి సంగీతం అందిస్తుండగా… ఏ ఎం రత్నం నిర్మిస్తున్నారు.