కరోనా వైరస్ సామాన్య ప్రజలతో పాటు సినీ రాజకీయ ప్రముఖులను గజగజ వణికిస్తోంది. ఈ మహమ్మారి బారిన పడి వేలాది మంది మృత్యు ఒడికి చేరుతున్నారు. ఎన్ని జాగ్రత్తలు తీసుకుంటున్నా ఏదో ఒక విధంగా ఈ మహమ్మారి సోకుతుంది. ఈ నేపథ్యంలోనే పలువురు సినీ స్టార్స్ పేద ప్రజలకు అండగా నిలబడుతున్నారు.
ఇక తాజాగా ఓ వ్యక్తి కరోనా తో బాధపడుతున్న తన తండ్రికి రెమిడిసివిర్‌ ఇప్పించాలంటూ యంగ్ హీరో నిఖిల్ కు ట్విట్టర్ లో ట్యాగ్ చేస్తూ ప్రాధేయపడ్డాడు. దయచేసి మాకు సహాయం చేయండి అంటూ వేడుకున్నాడు. ఇక ఆ వ్యక్తి చేసిన ట్వీట్ పై స్పందించిన నిఖిల్ శిరువూరి రాజేష్ వర్మ.. మీకు అవసరం అయ్యే అన్ని రెమిడిసివిర్‌ డోస్ లతో మిమ్మల్ని సంప్రదిస్తాడు. మీ నాన్నగారికి త్వరలో నయం అవుతుంది అంటూ భరోసాని కల్పించాడు యంగ్ హీరో. ఇక ఇదే విషయంపై సినీ అభిమానులు, నెటిజన్స్ నిఖిల్ పై ప్రశంసలు కురిపిస్తున్నారు.