శ్రీకాంత్ అడ్డాల డైరెక్ష‌న్ లో పెద‌కాపు.. ఫ‌స్ట్ లుక్.. టైటిల్ రిలీజ్

ద‌ర్శ‌కుడు శ్రీకాంత్ అడ్డాల తెర‌కెక్కిస్తున్న చిత్రం పెద‌కాపు.సాఫ్ట్ చిత్రాలు చేసే శ్రీకాంత్ అడ్డాల నుంచి రాబోతున్న విభిన్నమైన ప్రయత్నం పెదకాపు అని చెప్పొచ్చు. కులం పేరుతో టైటిల్ పెట్టడంతో ఏదైనా వివాదం అవుతుందా అనే అనుమానాలు కూడా తలెత్తుతున్నాయి. నిర్మాత మిర్యాల రవీందర్ రెడ్డి నిర్మాణంలో తెర‌కెక్కుతోంది. ఈ చిత్రం రెండు భాగాలుగా తెరకెక్కుతోంది. ఇందులో భాగంగా మొదటి భాగం ఫస్ట్ లుక్, టైటిల్ రివీల్ చేస్తూ పోస్టర్ ని రిలీజ్ చేశారు. మొదటి భాగానికి పెదకాపు 1 అనే టైటిల్ ఖరారు చేశారు. ఈ చిత్రంలో హీరోగా మిర్యాల రవీందర్ రెడ్డి మేనల్లుడు విరాట్ కర్ణ హీరోగా పరిచయం అవుతున్నారు. ఫస్ట్ లుక్ పోస్టర్ ఇంటెన్స్ గా ఉంది. పోరాటానికి సిద్ధం అవుతున్న యువకుడిగా చేతిని పైకెత్తి విరాట్ కర్ణ కనిపిస్తున్నారు. పోస్టర్ పై ఓ సామాన్యుడి సంతకం అనే క్యాప్షన్ కూడా ఉంది. 90వ దశకం నాటి రాజకీయాలు.. గొడవల నేపథ్యంలో ఈ కథ ఉంటుందట. శ్రీకాంత్ అడ్డాల ఈ చిత్రాన్ని ఇంటెన్స్ గా, బోల్డ్ గా తెరకెక్కించబోతున్నట్లు తెలుస్తోంది. ఫస్ట్ లుక్ రిలీజ్ చేస్తూ మరో బిగ్ అప్డేట్ కోసం వెయిట్ చేయండి అని కూడా ప్రకటించారు.