దర్శకుడు సుకుమార్ – ఐకాన్ స్టార్ అల్లు అర్జున్ కాంబినేష‌న్ లో వ‌స్తున్న పాన్ ఇండియా చిత్రం ‘పుష్ప-2 ప్ర‌స్తుతం టాక్ ఆఫ్ ది నేష‌న్ గా మారింది. ఈ సినిమాతో అల్లు అర్జున్ మరోసారి బాక్సాఫీస్ రికార్డులను బద్దలు కొట్టడం ఖాయం అని చిత్ర యూనిట్ ధీమా వ్యక్తం చేస్తోంది.
ఇటీవ‌ల రిలీజ్ చేసిన ట్రైలర్‌తో సినిమాపై హైప్ మ‌రింత పెరిగిపోయింది. దీంతో దేశవ్యాప్తంగా అభిమానులు ఈ సినిమా కోసం ఆసక్తిగా ఎదురుచూస్తున్నారు.
ఇక తాజాగా, ఈ మూవీలోని స్పెషల్ సాంగ్ కి సంబంధించిన అప్ డేట్ ఇచ్చారు మేక‌ర్స్. బన్నీతో కలిసి యంగ్ బ్యూటీ శ్రీలీల చేస్తున్న ‘కిసిక్’ డ్యాన్స్ నంబర్‌ను నవంబర్ 24 సాయంత్రం 7.02 గంటలకు విడుదల చేయ‌నున్న‌ట్టు చిత్ర యూనిట్ స్పెషల్ పోస్టర్ ద్వారా ప్రకటించింది.