కొరటాల శివ దర్శక‌త్వంలో మాస్ మ్యాన్ జూనియర్ ఎన్టీఆర్ నటిస్తున్న మ‌చ్ ఎవైటెడ్ మూవీ ‘దేవర’. ఈ సినిమా నుంచి ఇప్పటికే విడుదలైన రెండు పాటలకు అద్భుతమైన స్పందన వచ్చింది. ఇక తాజాగా, ‘దావూది’ అనే మాస్ డ్యాన్స్‌ని విడుదల చేసేందుకు చిత్ర యూనిట్ సిద్ధమైంది. దేవర చిత్రంలోని మూడో పాట ‘దావూది’ని రేపు (సెప్టెంబర్ 4న) సాయంత్రం 5.04 గంటలకు విడుదల చేయనున్నట్లు మేకర్స్ తాజాగా వెల్లడించారు.
లేటెస్ట్ మ్యూజిక్ సెన్సేషన్ అనిరుధ్ రవిచందర్ కంపోజ్ చేసిన ఈ పాటను రామజోగయ్య శాస్త్రి రచించగా… నకాష్ అజీజ్, ఆకాషా పాడారు. శేఖర్ మాస్టర్ ఈ పాటకు కొరియోగ్రఫీ అందించారు. ఈ పాటలో ఎన్టీఆర్ డ్యాన్స్ నెక్ట్స్ లెవెల్ లో ఉంటుందని మేకర్స్ చెబుతున్నారు.
దీంతో ఈ పాటపై హైప్ కూడా భారీగా క్రియేట్ అయ్యింది. మరి ఈ పాటలో తారక్ ఎంతమేర తన డ్యాన్స్‌తో ఇరగదీస్తాడనేది రేపు తెలిసిపోతుంది. ఈ పాటలో జాన్వీ కపూర్ అందాలతో పాటు డ్యాన్స్ కూడా హైలైట్ కానుందట. ఇక ఈ సినిమాను సెప్టెంబర్ 27న గ్రాండ్ రిలీజ్ చేసేందుకు ‘దేవర’ యూనిట్ రెడీ అవుతోంది. ఇక ఈ మూవీని సెప్టెంబర్ 27న గ్రాండ్ రిలీజ్ చేసేందుకు ‘దేవర’ యూనిట్ రెడీ అవుతోంది.