మాస్ మహారాజా రవితేజ నటించిన లేటెస్ట్ మూవీ ‘టైగర్ నాగేశ్వరరావు’. ఈ సినిమాని ఓటీటీ ఎంట్రీకి సిద్ధమవుతోంది. స్టువర్టుపురం గజదొంగ టైగర్ నాగేశ్వరరావు జీవిత కథ ఆధారంగా తెరకెక్కిన ఈ సినిమా దసరా కానుకగా అక్టోబర్ 20న ప్రేక్షకుల ముందుకు వచ్చింది. రిలీజ్ అయిన తర్వాత ఈ మూవీకి పాజిటివ్ రెస్పాన్స్ రావడంతో బాక్స్ ఆఫీస్ వద్ద డీసెంట్ కలెక్షన్స్ రాబట్టింది. ఇక, అనుకున్న దానికంటే కాస్త ముందుగానే ఈ మూవీని ఓటీటీలో విడుదల చేసేందుకు మేకర్స్ డిసైడ్ అయినట్లు తెలుస్తోంది.
నవంబర్ 24న అమెజాన్ ప్రైమ్ ఓటీటీలో ‘టైగర్ నాగేశ్వరరావు’ స్ట్రీమింగ్ కానున్నట్లు సమాచారం. ‘టైగర్ నాగేశ్వరావు’ ఓటీటీ స్ట్రీమింగ్ రైట్స్ ని అమెజాన్ ప్రైమ్ సుమారు రూ.15 కోట్లకు దక్కించుకుంది. తెలుగుతోపాటు మిగతా అన్ని భాషల్లో స్ట్రీమింగ్ కి అందుబాటులోకి రానుంది.