టాలీవుడ్ హీరో వరుణ్ తేజ్ ప్ర‌ధాన పాత్ర‌లో న‌టిస్తున్న లేటెస్ట్ అప్‌కమింగ్ మూవీ ‘ఆపరేషన్‌ వాలెంటైన్‌’. శక్తిప్రతాప్‌ సింగ్ డైరెక్షన్‌లో తెరకెక్కుతున్న ఈ సినిమాలో మానుషి చిల్లర్‌ క‌థ‌నాయిక‌గా న‌టిస్తుంది. కాగా, మూవీ ఎనౌన్స్‌మెంట్ నుంచే మూవీపై మంచి హైప్ క్రియేట్ అయ్యింది. ఇక రిలీజ్ అయిన ఫస్ట్‌లుక్ పోస్టర్‌‌కి ప్రేక్ష‌కుల వద్ద నుంచి మంచి రెస్పాన్స్ వ‌చ్చింది.
కాగా, తాజాగా ఈ మూవీ నుంచి మరో అప్‌డేట్ ఇచ్చారు మేకర్స్. ఈ సినిమా విడుదల తేదీని ప్ర‌క‌టించారు మేకర్స్. ఈ సినిమాను 2024 ఫిబ్ర‌వ‌రి 16న తెలుగు, హిందీ భాష‌ల్లో విడుదల చేయ‌నున్న‌ట్లు వెల్ల‌డించారు. మొద‌ట ఈ మూవీని డిసెంబ‌ర్ 08న విడుదల చేసేందుకు ప్లాన్ చేయగా.. అనుకోని కారణాల వ‌ల్ల ఈ సినిమాని వాయిదా వేశారు. ఈ సినిమా సోనీ పిక్చర్స్‌ ఇంటర్నేషనల్‌ ప్రొడక్షన్స్‌, రినైసన్స్‌ పిక్చర్స్‌ సంస్థలు సంయుక్తంగా నిర్మిస్తున్నాయి.
మరోవైపు వరుణ్ తేజ్ మరోవైపు పలాస 1978 ఫేం కరుణకుమార్ దర్శకత్వం వహిస్తున్న పాన్ ఇండియా సినిమా మట్కాలో కూడా నటిస్తున్నాడు. మట్కా మూవీని వైరా ఎంటర్‌టైన్‌మెంట్స్‌ బ్యానర్‌పై తెరకెక్కిస్తున్నారు. ఈ సినిమా వరుణ్ తేజ్ కెరీర్‌లోనే అత్యంత భారీ బడ్జెట్‌తో పీరియాడిక్ బ్యాక్‌ డ్రాప్ స్టోరీతో రాబోతుంది.